ખળભળાટ / 2 દિવસમાં રાજ્યમાં 200થી વધુ જીવતા બોમ્બ મળી આવતા હડકંપ, મમતા બેનર્જીએ તાબડતોબ આપ્યા મોટા આદેશ

• પશ્ચિમ બંગાળમાંથી જીવતા બોમ્બ મળવાનો સિલસિલો યથાવત
• આજે વધુ 40 બોમ્બ મળી આવતા દોડતા થયાં મુખ્યમંત્રી 
• છેલ્લા 2 દિવસમાં મળી આવ્યા છે 200 જેટલા બોમ્બ 

રાજ્યમાંથી સતત બોમ્બ મળી આવવાની ઘટનાઓ પ્રકાશમાં આવતા રાજ્યના મુખ્યમંત્રી પણ એક્શનમાં આવ્યા છે અને સ્થાનિક પોલીસને કડક કાર્યવાહી અને દરોડા પાડવાના આદેશ આપ્યા છે. ઉલ્લેખનીય છે કે, આજે મુર્શિદાબાદમાંથી 41 જેટલા જીવતા બોમ્બ મળી આવ્યા હતા. સાથે જ દારૂગોળો પણ મોટી સંખ્યામાં પોલીસને હાથે લાગ્યો હતો. 

#WestBengal:

60 Live Bombs recovered from near recent violence location, from margram area of Birbhum

Police Diffusing Bombs in Field pic.twitter.com/7dJQ5p8CPc

— #DextrousNinja🇮🇳 (@DextrousNinja) March 25, 2022

દારુગોળો મળી આવતા મચ્યો હડકંપ 

રવિવારે સ્થાનિક પોલીસને ખેતરમાં 3 ડ્રમમાં બોમ્બ હોવાની જાણકારી મળતા દરોડા પાડ્યા હતા. રેજીનગર પોલીસના જણાવ્યા પ્રમાણે, 3 ડ્રમમાં 31 જેટલા જીવતા બોમ્બ મળી આવ્યા હતા. બોમ્બ સ્ક્વોર્ડની એક ટીમ ઘટના સ્થળે પહોંચી અને તેને ડિસ્ફ્યૂઝ કર્યા હતા. તો અન્ય એક ખેતરમાંથી સોકેટ બોમ્બ મળી આવતા આસપાસના વિસ્તારમાં દોડધામ મચી જવા પામી હતી. આ બોમ્બ મળી આવવાની ઘટનાને પગલે પોલીસ દ્વારા કડક બંદોબસ્ત ગોઠવવામાં આવ્યો છે અને એક શખ્સની અટકાયત પણ કરવામાં આવી હતી.

વીરભૂમમાં 2 અલગ-અલગ જગ્યાએથી 170 બોમ્બ મળ્યા 

આપને જણાવી દઇએ કે, એક દિવસ પહેલા બંગાળના બીરભૂમ જિલ્લાના રામપુરહાટમાં 40 દેશી બોમ્બ મળી આવ્યા હતા. બોમ્બને 4 અલગ-અલગ બોમ્બમાં છૂપાવીને એક નિર્માણાધીન મકાનમાં રાખવામાં આવ્યા હતા. બાતમી મળતા જ પોલીસ તાત્કાલિક અસરથી ઘટના સ્થળે પહોંચી હતી અને કાયદસેરની કાર્યવાહી હાથ ધરી હતી. 

પોલીસ સૂત્રોના જણાવ્યા પ્રમાણે, શુક્રવારે અત્યાર સુધીમાં બીરભૂમમાંથી 170 બોમ્બ મળી આવ્યા છે, રામપુરહાટના બોગટુઈ ગામમાંથી સટે માર્ગરામમાં એક નિર્માણાધીન ઈમારતમાંથી બોમ્બ ભરેતી 4 ડોલ મળી હતી, જેમાં 40 બોમ્બ હતા.