કાશ્મીરની એક નાનકડી બાળકીનો રિપોર્ટર બનીને ખરાબ રસ્તો દેખાડવાનો વીડિયો વાયરલ થયો છે.
કાશ્મીરની એક નાનકડી બાળકીનો વીડિયો વાયરલ
ટીવી રિપોર્ટરની સ્ટાઈલથી ખરાબ રસ્તાનું રિપોર્ટિંગ કર્યું
લોકોએ આ વીડિયોને ઈન્ટરનેટનો સૌથી પ્યારો વીડિયો ગણાવ્યો
લાખો લોકો બાળકીના આ કામ પર આફરીન
આ કાશ્મીરી બાળકીના વીડિયોને સોશિયલ મીડિયાની જનતા આજે ઈન્ટરનેટનો સૌથી પ્યારો વીડિયો ગણાવી રહી છે. શું તમે આ ક્લીપ જોઈ છે, જો ના હોય તો તરત જોઈ લેજો. કારણ કે તેને જોયા બાદ તમારા ચહેરા પર પ્યારી મુસ્કાન આવી જશે.
બાળકીએ ટીવી રિપોર્ટરની સ્ટાઈલથી ખરાબ રસ્તાનું રિપોર્ટિંગ કર્યું
હકીકતમાં આ બાળકી ન્યૂઝ રિપોર્ટર બનીને તેના વિસ્તારનો ખરાબ રસ્તો દેખાડી રહી છે. વીડિયોમાં કહી રહી છે કે રસ્તાની હાલત એટલી ખરાબ છે કે મહેમાન પણ ન આવી શકે. બાળકીની માસુમિયત અને રિપોર્ટીંગ કરવાનો તેનો અંદાજ સોશિયલ મીડિયાના લોકોને ખૂબ પસંદ પડ્યો છે આ વીડિયો ઈન્ટરનેટ પર છવાઈ ગયો છે.
2.07 મિનિટના આ વીડિયોની શરુઆત બાળકીની જોશીલી સલામી સાથે થાય છે
2.07 મિનિટના આ વીડિયોની શરુઆત બાળકીની જોશીલી સલામી સાથે થાય છે ત્યાર બાદ તે કહે છે કે ગાયઝ તમે જોઈ શકો છો કે આ રોડ કેટલો ગંદો છે. પછી તે તોતડાતી તોતડાતી બોલે છે આવો તમને આગળ દેખાડીએ. અહીં બધુ માટી માટી થઈ રહ્યું છે. વરસાદ અને બરફવર્ષાને કારણે તમામ રસ્તાઓ ગંદા થઈ ગયા છે. ત્યાર બાદ તે પોતાના કેમેરા પર્સન (મા) ને રસ્તા પરના ભરાયેલા પાણી તરફ ઈશારો કરતા કહે છે કે આ બાજુ કેમેરો ફેરવો.
આટલો ગંદો રસ્તો, મહેનાન પણ ન આવી શકે
વીડિયોમાં તે કહી રહી છે કે, આટલા ખરાબ રસ્તો કે કોઈ મહેમાન પણ ન આવી શકે. અહીં બધુ ગંદુ થઈ રહ્યું છે. ત્યાર બાદ બાળકીએ ટીવી રિપોર્ટરની જેમ રસ્તાનો આંખોદેખ્યા હાલ જણાવ્યાં. વીડિયોમાં તે વારંવાર કહી રહી છે કે અમે તમને દેખાડીએ છીએ કે બધુ ગંદુ થઈ રહ્ુયં છે. બધું ગંદુ છે. અંતમાં તે દર્શકોને અપીલ કરે છે કે જો તમને આ વીડિયો પસંદ આવ્યો હોય તો તેને લાઈક કરો અને સબ્સક્રાઈબ કરો.