મહામારી / ત્રણ વર્ષની બાળકી ચેકઅપ માટે એકલી ડોક્ટર પાસે પહોંચી, પછી જે થયું તે જાણીને તમને મજા આવી જશે

• નાગાલેન્ડની જુન્હેબોટા જિલ્લાના ઘટાશી તાલુકાના એક ગામની ઘટના
• 3 વર્ષની  લિપવીને શરદી-ખાંસી થઈ હતી
• માતાપિતા ખેતરમાં ગયા હતા
• એકલી ડોક્ટર પાસે પહોંચીને દવા લીધી
• તસવીર વાયરલ થતા લોકો લિપવી પર આફરીન થયા

આટલી નાની ઉંમરમાં અત્યંત સ્માર્ટ અને હેલ્થ પરત્વે સચેત લિપવીને શરદી-ખાંસી થઈ હતી. લિપવીને દવાખાને જઈને ડોક્ટરને દેખાડવું હતું પરંતુ માતાપિતા ખેતરમાં કામ કરવા ગયા હતા તેથી તે શક્ય નહોતું. તેથી લિપવીએ એકલા ડોક્ટર પાસે જઈને દવા લેવાનું નક્કી કર્યું. લિપવી માસ્ક લગાડીને એકલી ડોક્ટર પાસે જઈ ચડી. 

The medical staff were in for a pleasant surprise when 3-year old Miss Lipavi,showed up at the health centre.She reportedly had cold symptoms but since her parents had left for the paddy field,she decided to come all by herself for a checkup at the health center.@narendramodi pic.twitter.com/hPzLZg6OCi

— Benjamin Yepthomi (@YepthomiBen) June 3, 2021

માતાપિતા ખેતરમાં ગયા હોવાથી એકલી દવાખાને પહોંચી, ડોક્ટર નવાઈ પામ્યા 

આટલી નાની લિપવીને એકલી આવેલી જોઈને ડોક્ટર તો ચકિત રહી ગયા હતા. ત્યાર બાદ ડોક્ટરે લિપવીને પોતાની પાસે બોલાવી અને નજીકની ખુરશીમાં બેસાડીને તેને શું થયું તે અંગે પૂછ્યું. લિપવીએ પણ જરા પણ બીક રાખ્યા વગર પોતાને જે થયું હતું તે ડોક્ટરને કહી સંભળાવ્યું. ડોક્ટરને તેની આ હિંમત બદલ ગૌરવ થયું અને તેને જરુરી દવાઓ આપી. ડોક્ટરે લિપવીના આ પગલાંને ખૂબ બિરદાવ્યું.

સોશિયલ મીડિયામાં વાયરલ થયા બાદ લોકો તેના પર આફરીન થયા

લિપવીની ડોક્ટર સાથેની તસવીર સોશિયલ મીડિયામાં વાયરલ થયા બાદ લોકો તેના પર આફરીન થયા હતા. લોકોને તેનું આ કામ ખૂબ પસંદ પડ્યું અને તેના ભારોભાર વખાણ કરવા લાગ્યાં. આ ટ્વિટરને અત્યાર સુધી 10 હજાર કરતા પણ વધારે લાઈક મળી હતી અને 1 હજાર કરતા પણ વધારે લોકોએ રીટ્વિટ કરી. લોકોએ કહ્યું કે મોટા લોકો પણ દવાખાને જતા ડરી રહ્યાં હોય છે ત્યારે એક નાનકડી લિપવીએ આપણને બધાને રસ્તો દેખાડયો છે. એક યૂઝરે લખ્યું કે એક બાજુ મોટા લોકો પોતાનો ટેસ્ટ કરાવવા ડરી રહ્યાં હોય ત્યારે નાનકડી લિપવીએ આપણને રસ્તો દેખાડ્યો છે. શું તે એટલી નાની નથી કે એકલી બહાર આવી શકે. બેબી ડે આઉટ. 

લિપવી સોશિયલ હીરો છે, નાની ઉંમરમાં આટલી મોટી જવાબદારી-યૂઝરે લખ્યું 

બીજા એક યૂઝરે લખ્યું કે તે એક સોશિયલ હીરો છે. નાની ઉંમરમાં આટલી મોટી જવાબદારી. ઢગલાબંધ પ્યાર અને આશીર્વાદ. આને કહેવાય દેશનો જવાબદાર નાગરિક. બીજા એક યૂઝરે ચિંતા વ્યક્ત કરતા લખ્યું કે ઘણી જવાબદાર, પરંતુ તે એકલી કેવી રીતે આવી.