આ વર્ષે જો તમે બીઝી શિડ્યુઅલના કારણે ફરવા ન જઇ શક્યા હો તો 2020માં થોડુ એડવાન્સ પ્લાનિંગ કરી લો. બિઝી શિડ્યુઅલમાં પણ તમે એડવાન્સ પ્લાનિંગના કારણે ફરવા જઇ શકશો. 2020માં તમે એક એકથી ચઢિયાતી જગ્યાઓ પર ફરવા જઇ શકો છો. ખાસ વાત એ છે કે તમારે આ માટે તમારી રજાઓ બરબાદ પણ નહી કરવી પડે. થોડું સ્માર્ટ પ્લાનિંગ કરી લો. 2020માં ઘણા બધા વીકેન્ડ એવા છે જેમાં તમે ટ્રિપ પ્લાન કરી શકો છો.
જાન્યુઆરી 2020
જાન્યુઆરીની વાત કરીએ તો 15 તારીખે ઉતરાયણની રજા છે. તેના બે દિવસ બાદ વીકેન્ડ. હવે આ ત્રણ રજાઓને ગુમાવવાના બદલે તમે ઇચ્છો તો 16 અને 17 તારીખની રજા લઇ લો. તેનાથી તમારી 5 દિવસની ટ્રિપ સરળતાથી પ્લાન થઇ જશે.
ફેબ્રુઆરી 2020
ફેબ્રુઆરીમાં 21 તારીખે મહાશિવરાત્રિ છે. અને 22 તેમજ 23મીએ વીકેન્ડ. આ મહિનામાં તમને ત્રણ દિવસનો એક્સટેંડેડ વિકેન્ડ મળશે. તમે તેમા શોર્ટ ટ્રીપ પ્લાન કરી શકશો.
માર્ચ 2020
માર્ચ મહિનામાં 7 અને 8 તારીખે વીકેન્ડ છે અને 10મી તારીખે હોળી છે. તમારે વચ્ચે માત્ર 9 તારીખની રજા લેવી પડશે. તમે આ ચાર દિવસમાં કોઇ સારી જગ્યાએ ફરીને રિફ્રેશ થઇ શકો છો.
એપ્રિલ 2020
સૌથી મોટો વીકેન્ડ ડોઝ એપ્રિલમાં મળશે. 2 એપ્રિલે રામ નવમી બાદ 4 અને 5 તારીખે વીકેન્ડ ઓફ છે. જ્યારે 6 તારીખે મહાવીર જયંતિ. આ રીતે 10 તારીખે ગુડ ફ્રાઇડેની રજા છે. અને 11 તેમજ 12 તારીખે ફરી વિકેન્ડ. તમે 2 એપ્રિલથી 12 એપ્રિલની વચ્ચે જે દિવસ ઇચ્છો ત્યારે ટ્રિપ પ્લાન કરી શકો છો. તમે લિવ લઇને લાંબી ટ્રિપ પણ કરી શકો છો.
મે 2020
1 મે લેબર ડે, 2 અને 3 મે વિકેન્ડ, 7 મે બુધ્ધ પુર્ણિમા, 9 અને 10 વિકેન્ડ. 8 મેની એક રજા લઇને 1 થી 10 તારીખની વચ્ચે ટ્રીપ પર જઇ શકો છો.
જુન 2020
આ મહિનામાં કોઇ લાંબો વીકેન્ડ કે રજાઓ નથી, પરંતુ સ્કુલોમાં રજાઓ પડતી હોય છે. સમર વેકેશન હોય તો તે મુજબ તમે આ મહિને કોઇ પણ દિવસે ટ્રીપ પ્લાન કરી શકો છો.
જુલાઇ-ઓગસ્ટ 2020
31 જુલાઇથી લઇને 3 ઓગસ્ટ સુધી બકરીઇદ, વીકેન્ડ, રક્ષાબંધનના કારણે લાંબો વીકેન્ડ છે. આ દિવસોમાં તમે ફરવાની મજા લઇ શકો છો. ત્યારબાદ 29 ઓગસ્ટથી 31 ઓગસ્ટ સુધી પણ ત્રણ રજાઓ આવે છે.
ઓક્ટોબર 2020
2 ઓક્ટોબરે ગાંધી જયંતિ છે. 3 અને 4 ઓક્ટોબરે વીકેન્ડ. આ ઉપરાંત 24 અને 25 ઓક્ટોબરે પણ વીકેન્ડ છે. તમે 22 અને 23ની રજા લઇને પણ ફરવા જઇ શકો છો.
નવેમ્બર 2020
13 તારીખે ધનતેરસ છે અને 14-15 ના રોજ વીકેન્ડ, 16 તારીખે ભાઇબીજ છે. નવેમ્બરમાં આ પીરિયડ તો ટ્રીપ માટે પણ ફાયદાકારક છે. આ ઉપરાંત તમે 28થી 30 ની વચ્ચે પણ ટ્રીપ પ્લાન કરી શકો છો. 28-29 નવેમ્બર વીકેન્ડ છે જ્યારે 30 તારીખે ગુરુ નાનક જયંતિ છે.
ડિસેમ્બર 2020
25 તારીખે ક્રિસમસ બાદ 26 અને 27ના રોજ વીકેન્ડ છે. આ 3 રજાઓ ઉપરાંત તમે બીજી થોડી રજાઓ લઇને વીકેન્ડ પ્લાન કરી શકો છો.