ગોલમાલ / વડોદરા: દારૂબંધી હોય કે લોકડાઉન, દારૂ તો મળેજ! પોલીસ બંદોબસ્ત હોય તો શું થયું?

• વડોદરામાં લોકડાઉનમાં પણ બુટલેગરોનો બેફામ ધંધો
• ફતેહગંજ વિસ્તારમાં ખુલ્લેઆમ દારૂની પોટલીઓ દેખાઇ
• ઝેરોક્ષની દુકાન બહાર દેશી દારૂની પોટલીઓ દેખાઇ

કોરોનાના મહામારી વચ્ચે લોકોને ઘરની બહાર ન નિકળવાનું સૂચન છે.  ત્યારે વડોદરાથી ચોંકાવનારા દ્રશ્યો સામે આવ્યા છે. વડોદરાના ફતેહગંજ વિસ્તારમાં દેશી દારૂની પોટલીઓ જોવા મળી.

દેશી દારૂની 100થી વધુ પોટલીઓ જોવા મળતા અનેક સવાલો

ઝેરોક્ષની એક દુકાન બહાર દેશી દારૂની 100થી વધુ પોટલીઓ જોવા મળતા અનેક સવાલો ઉભા થયા છે. કારણકે એક તરફ તો વડોદરા પોલીસ ચૂસ્ત બંદોબસ્તના દાવા કરે છે.  ત્યારે બીજી તરફ આટલા મોટા પ્રમાણમાં દારૂની હેરાફેરી કેવી રીતે થઈ શકે. 

આ દારૂ ક્યાંથી આવ્યો

વડોદરા શહેરમાં ઠેર ઠેર ચેકપોસ્ટ લગાવવામાં આવી છે. આવા સમયે ફતેહગંજ જેવા વિસ્તારમાંથી દારૂની પોટલીઓ મળવી, એ પોલીસની કાર્યવાહી કેવી છે, તેનો એક રીતે પુરાવો ગણી શકાય. આ દારૂ ક્યાંથી આવ્યો, કયા વાહનમાં આવ્યો, અને કોણ લાવ્યું, તેની ઝડપી તપાસ થવી જોઈએ.

ઉઠી રહ્યા છે સવાલો

• શું વડોદરામાં બુટલેગરોને પોલીસને ડર નથી?
• લોકડાઉનનમાં કેવી રીતે થઈ રહી છે દારૂની હેરાફેરી?
• શું વડોદરા પોલીસ વાહનોનું ચેકિંગ નથી કરતી?
• કેવી રીતે વડોદરા સુધી પહોંચી રહ્યો છે દેશી દારૂ?
• ચુસ્ત બંદોબસ્તના દાવા વચ્ચે કેવી રીતે થઈ દારૂની રેલમછેલ?
• દારૂ કોણ લાવ્યું, કયા વાહનમાં આવ્યું તેની તપાસ ક્યારે થશે
• લોકોને બહાર નિકળવાની પરવાનગી નથી, તો દારૂની હેરાફેરી શક્ય કેવી રીતે બની?