અમદાવાદ / બહેનનાં લગ્નની ખુશીમાં ‘પીવા’ની પાર્ટી આપીઃ પોલીસે દરોડા પાડ્યા અને..

• ગુજરાતભરમાં લગ્નની સિઝન જામી 
• અડાલજ ખાતે યોજાયેલ એક પાર્ટીમાં પોલીસે પાડ્યો ભંગ
• આઠ લાખનો મુદ્દામાલ ઝડપાયો 

બહેનનાં લગ્ન માટે બોલાવેલ મિત્રોની દારૂની મહ‌ેફિલમાં પોલીસે ભંગ પાડ્યો હતો. પોલીસે દારૂની મહેફિલમાં રેડ પાડીને ૧૪ જેટલા નબીરાને ઝડપી પાડ્યા છે. પોલીસે જ્યારે રેડ કરી ત્યારે એક તરફ ગ્રાઉન્ડમાં ક્રિકેટ ટૂર્નામેન્ટ ચાલતી હતી ત્યાં બીજી બાજુ ખૂણામાં નબીરાઓ દારૂ પી મજા માણી રહ્યા હતા.

આઠ લાખનો મુદ્દામાલ કબજે કરાયો

પોલીસે રેડ કરી ત્યારે સોહમ કોલ્ડ સ્ટોરેજના ગ્રાઉન્ડમાં પહેલાં તો ક્રિકેટ મેચ ચાલી રહી હતી. જ્યાં કેટલીક મહિલાઓ મેચ જોઇ રહી હતી ત્યાં ખૂણામાં કેટલાક લોકો દારૂ પી રહ્યા હતા. પોલીસે રેડ કરી આ દારૂ પીનારા લોકોની ધરપકડ કરી હતી. પોલીસે રેડ બાદ સ્થળ પરથી દારૂ ભરેલી 9 બોટલ અને સાત ખાલી બોટલ તથા વાહનો મળી આઠ લાખનો મુદ્દામાલ કબજે કર્યો હતો.

પોલીસ પૂછપરછમાં જાણવા મળ્યું હતું કે ઘાટલોડિયામાં રહેતા કેવિન સુનીલભાઇ પટેલે બહેનનાં લગ્ન હોવાથી ક્રિકેટ મેચ ટૂર્નામેન્ટની સાથે મિત્રો માટે દારૂની પાર્ટી રાખી હતી.

કોણ-કોણ ઝડપાયું ? 

અડાલજ પોલીસે સોહમ પ્રજાપતિ (રહે. ગાંધીનગર), રૂમિત પટેલ (રહે. સુકૃતિ ફ્લેટ, આંબાવાડી), અંકિત શાહ (રહે. સુકૃતિ ફ્લેટ, આંબાવાડી), મિલન પટેલ (પારસ બંગલો, બોપલ), પાર્થ પટેલ (રહે. નંદેગ્રામ, નારણપુરા), સૌમિલ પટેલ (રહે. સર્વોદય સોસાયટી, સોલા) સંકેત પટેલ (રહે. ગોપીનાથ સોસાયટી, વસ્ત્રાપુર), ધ્રુવ પટેલ (રહે. આનંદ બંગલો, થલતેજ), વિશ્વ‌િજતસિંહ રાણા (રહે. સનસાઇન ફ્લેટ, થલતેજ), નિકુલ પટેલ (રહે. પ્રેમચંદ બંગલો, એસજી હાઇવે) કેવિન પટેલ (ઘાટલોડિયા), ચિરાગ પટેલ (રહે. વિશ્વનિકેતન ફ્લેટ, ઘાટલોડિયા), ‌જિગર પટેલ (રહે. ઉસ્માનપુરા લક્ઝુરિયસ ફલેટ) તથા વંદિત પટેલ (સંધ્યા સોસાયટી, નવરંગપુરા)ની ધરપકડ કરાઇ હતી.