તમિલનાડુ / અહીં દારૂ ખરીદવાનું બન્યું મુશ્કેલ, ખાસ સર્ટિફિકેટને લઈને જિલ્લા કલેક્ટરે આપ્યા આદેશ

• હવે દારૂ પીવાનું બનશે મુશ્કેલ
• દારુ ખરીદવા માટે બતાવવાનું રહેશે આ સર્ટિફિકેટ
• વેક્સીનના બંને ડોઝ લીધા હશે તો જ મળશે દારુ
• તમિલનાડુના નીલગીરીમાં કલેક્ટરે જાહેર કર્યા આદેશ

 
તમિલનાડુના નીલગીરીમાં કોરોના વેક્સીનના બંને ડોઝ લઈ ચૂકેલા લોકો જ દારૂ ખરીદી શકશે. નીલગીરી જિલ્લામાં અધિકારીઓએ આ નિયમ લાગૂ કર્યો છે. અહીંના જિલ્લા કલેક્ટરે કહ્યું કે આ પગલું નિવાસીઓને વેક્સીન માટે પ્રેરિત કરવા માટે લેવાયું છે. 

 
પહેલા સર્ટિફિકેટ પછી દારૂ
નીલગીરીના રહેવાસીઓને જો ઠેકા પરથી દારૂ ખરીદવો છે તો તેઓએ વેક્સીનના બંને ડોઝના સર્ટિફિકેટ બતાવવાનું જરૂરી રહેશે. જિલ્લા કલેક્ટરે કહ્યું કે લગભગ 97 ટકા લોકોને પહેલી કે બીજી વારની વેક્સિન અપાઈ છે પણ આ આદેશની અસર થશે એમ માનીને આ પગલું લેવાયું છે.   
 
વેક્સીનને લઈને લોકો આશંકામાં
વેક્સીનેશનને લઈને અહીં તમામ પ્રકારની અફવાહ અને ખોટી સૂચનાઓ ફેલાઈ છે. તેને દૂર કતરવા માટે અહીના અધિકારીઓએ વેક્સીનેશનને લઈને જાગરૂકતા અભિયાન ચલાવ્યું છે. લોકોને અપીલ કરાઈ છે કે તેઓ વેક્સીનેશન કરાવે અને મિશનનો ભાગ બને. આ પણ લોકો હજુ પણ વેક્સીન લેવાથી દૂર ભાગી રહ્યા છે.  

કલેક્ટરે આપી આ જાણકારી
કલેક્ટર દિવ્યાએ કહ્યું કે કોવિડ પોર્ટલને અપડેટ કરી રહ્યા છીએ. મળતી માહિતિ અનુસાર કેટલાક લોકોએ કહ્યું કે તેઓ દારૂનું સેવન કરે છે અને વેક્સીન લેવા તૈયાર નથી. તેમને વેક્સીનેટ કરવા માટે આ નિર્ણય લેવાયો છે. જેલોકો દારુ ખરીદવા ઈચ્છે છે તેઓએ વેક્સીનેશન સર્ટિફિકેટની સાથે આધાર કાર્ડ પણ જમા કરાવવાનું આવશ્યક છે.