ગુજરાતમાં એક તરફ દારૂબંધીને લઇને સરકાર દાવો કરી રહી છે ત્યારે બીજી તરફ રાજ્યમાં બૂટલેગરો કોઇપણ પ્રકારે દારૂ ઘુસાડવાની તરકીબો અજમાવતા હોય છે. તાપી ખાતે LCBએ એક જ દિવસમાં 48 લાખનો દારૂ ઝડપી સપાટો બોલાવી દીધો. નાસિકથી નાળિયેરીની ગુણની આડમાં દારુની હેરાફરી થતી હોવાનું સામે આવ્યું છે.
તાપી LCBએ એક જ દિવસમાં 48 લાખનો દારૂ ઝડપ્યો
47.58 લાખની દારૂની 783 પેટી ઝડપાઈ
નાસિકથી નાળિયેરીની ગુણની આડમાં થતી હતી હેરાફેરી
પ્રાપ્ત મળતી વિગત અનુસાર તાપી LCBએ એક જ દિવસમાં 48 લાખનો દારૂ ઝડપી લીધો. તાપીમાં 2 કેસમાં કુલ 48 લાખનો વિદેશી દારૂ ઝડપાયો. જેમાં નાસિકથી લાવવામાં આવી રહેલ 783 પેટી કુલ 47.58 લાખનો દારૂ ઝડપાયો છે.
LCB દ્વારા કરવામાં આવેલી કાર્યવાહીમાં નાસિકથી નાળિયેરીની ગુણની આડમાં હેરાફેરી થતી હોવાનો પર્દાફાશ થયો. જેમાં કુલ મળીને 57.72 લાખનો મુદ્દામાલ જપ્ત કરાયો છે.
એક અન્ય કાર્યવાહીમાં તાપીના સોનગઢના કિકકૂઇ ગામેથી 28 હજારનો દારૂ ઝડપાયો હતો. કિકકૂઇથી કારમાં સુરત દારૂ લઇ જવામાં આવી રહ્યો હતો.