કુબેરનગર અને સરદારનગરને અમદાવાદનાં દીવ-દમણ ગણવામાં આવે છે, કારણ કે અહીંયાં દેશી દારૂથી લઇને કોઇ પણ બ્રાન્ડનો દારૂ બિનધાસ્ત વેચાય અને પીવાય પણ છે. પોલીસ દારૂના અડ્ડા પર મેગા ડ્રાઇવ કરીને સખત્ત કાર્યવાહી કરે તો પણ દારૂ તો વેચાય છે તેનું કારણ એટલું જ છે કે બુટલેગરોએ પોલીસની ધોંસથી બચવા માટે નવો ઉપાય શોધી લીધો છે. બુટલેગરો તેમના પરિિચત લોકોના મકાનમાં દારૂ છુપાવી રહ્યા છે અને તેના માટે પેટીદીઠ ભાડું પણ ચૂકવે છે.
સરદારનગર, કુબેરનગરના બુટલેગરોની પોલીસથી બચવા નવી ટ્રીક
લોકોના ઘરમાં દારૂ છુપાવીને તેની સામે તગડા રૂપિયા ચૂકવે છે
ઘરમાં દારૂ છુપાવવાની તરકીબ બુટલેગરોએ અપનાવી લીધી
દારૂના અડ્ડા પર પોલીસ દ્વારા દરોડા
દારૂબંધીના કડક કાયદાના અમલીકરણ બાદ પોલીસે બુટલેગરો સામે પાસા જેવું શસ્ત્ર ઉગામ્યું છે. રાજસ્થાનના મુખ્યપ્રધાન અશોક ગેહલોતે દારૂ પીવાના મુદ્દે કરેલા નિવેદન બાદ રાજકારણ ગરમાયું છે ત્યારે રાજ્યના ડીજીપી શિવાનંદ ઝા દ્વારા દારૂ રેડને લઈ એક પરિપત્ર બહાર પાડવામાં આવ્યો છે, જેથી રાજ્યભરમાં પોલીસ દ્વારા દરોડા પાડવામાં આવી રહ્યા છે. શહેરમાં ઠેર ઠેર દારૂના અડ્ડા પર દરાેડા પડી રહ્યા છે ત્યારે કુબેરનગર અને સરદારનગરમાં પોલીસ કર્મચારીઓ, ક્રાઇમ બ્રાંચ, વિજિલન્સની ટીમ રાત-દિવસ દરાેડો પાડી રહ્યાં છે.
કુબેરનગરમાં પોલીસે 76 લોકોને પાસા હેઠળ જેલમાં મોકલ્યાં
કુબેરનગરમાં મોટા ગજાના ૮૬ લિસ્ટેડ બુટલેગર છે, જેમાં પોલીસે ચાલુ વર્ષમાં ૭૬ લોકોને પાસા હેઠળ અલગ અલગ જેલમાં મોકલી આપ્યા છે. તેમ છતાંય નાના નાના બુટલેગર બિનધાસ્ત દારૂનો ધંધો ચલાવી રહ્યા છે. પોલીસ પાસેથી મળેલી વિગત અનુસાર બુટલેગર હવે પોલીસની કામ કરવાની પદ્ધતિ જાણી ગયા છે, જેના કારણે તે તેમના ઘરમાં કે ગુપ્તખાનું બનાવીને દારૂ છુપાવતા નથી. પોલીસની ધોંસથી બચવા અને દારૂનો જથ્થો પોલીસને મળે નહીં તે માટે બુટલેગરોએ અન્ય મકાનોમાં દારૂ છુપાવવાનું શરૂ કરી દીધું છે.
બુટલેગરના કારણે રહીશો મહિનામાં 30થી 35 હજાર કમાઇ છે
કુબેરનગર અને સરદારનગરના રહીશો કે જેમના પર કોઇ ક્રિમિનલ કેસ નથી અને જેમને આર્થિક સંકડામણ પણ છે તેવા લોકોના ઘરમાં દારૂ છુપાવવાની તરકીબ બુટલેગરોએ અપનાવી લીધી છે. દારૂની એક પેટીદીઠ સોથી દોઢસો રૂપિયા રોજના આપીને બુટલેગર સ્થાનિક રહીશોના ઘરમાં દારૂ છુપાવી રહ્યા છે. કોઇ રહીશે એક દિવસમાં ચાર કે પાંચ પેટી રાખી હોય તો તે રોજના એક હજારથી પંદરસો રૂપિયા કમાઇ જાય છે. બુટલેગરોના કારણે રહીશો પણ મહિનામાં ૩૦ થી ૩પ હજાર જેવું કમાઇ લે છે.
પોલીસે કહ્યું કાયેદસરની કાર્યવાહી કરવામાં આવશે
દારૂના મામલે હાલ પોલીસની ડ્રાઇવ રહેતાં અન્ય રાજ્યમાંથી દારૂ ઓછો આવી રહ્યાે છે, જ્યારે જે સ્ટોક બુટલેગરો પાસે છે તેના તેઓ ડબલ રૂપિયા કરીને દારૂિડયાઓને માલ આપે છે તો અન્ય લોકોના ઘરમાં દારૂનો જથ્થો રાખતા બુટલેગરોએ દારૂનો ભાવ પણ એક બોટલદીઠ વધારી દીધો છે. આ મામલે ઝોન-૪ના ડીસીપી નીરજ બડગુર્જરે જણાવ્યું છે કે જો કોઇ બુટલેગર અન્ય લોકોના ઘરમાં દારૂ છુપાવતા હશે તો તે મામલે તપાસ કરવામાં આવશે અને કાયદેસર કાર્યવાહી પણ કરવામાં આવશે.
પોલીસે સરદારનગરમાં ડ્રાઇવ કરી પ્રોહિબિશનના 1908 કેસ કર્યા
બુટલેગર એટલા હોશિયાર થઇ ગયા છે કે હવે તેમણે પોતાના ઘરમાં સીસીટીવી કેમેરા લગાવ્યા છે, જેના કારણે પોલીસ રેડ કરવા માટે આવે તો માલ સગેવગે કરી દે છે. ઉલ્લેખનીય છે કે સરદારનગર પોલીસ સ્ટેશનની હદમાં દારૂનાે ધંધો ધમધમે છે તેનો આંકડો ચાલુ વર્ષમાં થયેલા દારૂના કેસ પરથી સાિબત થાય છે. પોલીસનું કહેવું છે કે છેલ્લા નવ મહિનામાં સરદારનગરમાં ડ્રાઇવ કરીને પ્રોહિબિશનના ૧૯૦૮ કેસ કર્યા છે અને લાખોનો મુદ્દામાલ જપ્ત કર્યો છે. જ્યારે ૧૦૦થી વધુ ક્વોલિટી કેસ પણ કર્યા છે. ર૦૪ર આરોપીઓની ધરપકડ કરીને અનેક લોકોને પાસા પણ કરી છે, છતાં પણ અહીં દરેક રેડમાં પોલીસને હજારો લિટર દેશી દારૂનો વોશ મળી આવે છે.