ગુજરાત યુનિવર્સિટીમાં દારૃની મહેફીલ થતી હોવાની એનએસયુઆઈએ ફરિયાદ ઉઠાવી છે. યુનિ.કેમ્પસમાંથી ઈંગલિશ દારૃની બોટલ અને પેકેટ મળ્યા હતા. જેને લઈને એનએસયુઆઈએ રાતના સમયે દારૃની મહેફીલ થતી હોવાથી તાત્કાલિક જવાબદાર અધિકારી સામે પગલાં લેવાની માગ કરી છે.
ગુજરાત યુનિવર્સિટી કેમ્પસમાં અંગ્રેજી દારૃની બોટલ અને તેનું પેકેટ મળ્યા હતા. અગાઉ પણ થોડા સમય પહેલા યુનિ.કેમ્પસમાંથી દારૃની બોટલ મળી હતી કેમ્પસમાં રોડ પર જ દારૃની બોટલ મળતા એનએસયુઆઈએ રાતના સમયે દારૃની મહેફીલ જામતી હોવાની ફરિયાદ કરી છે.
યુનિ.કેમ્પસમાં જોઈએ તેટલી પુરતી સીક્યુરિટી છે નહીં અને યુનિ.માં નવા ચાર ગેઈટ બનાવી દેવાયા છે તેમજ નવા રસ્તાઓ બનાવી દેવાયા છે જે સાથે સિક્યુરિટી પોઈન્ટ વધ્યા છે પરંતુ માંડ ૫૦ ટકા જેટલા જ સિક્યુરિટી ગાર્ડ છે.
યુનિ.કેમ્પસમાં રાતના સમયે કેટલાક બહારના લુખ્ખા તત્વો પણ આવીને દારૃની મહેફીલ માણત હોવાની ફરિયાદ છે.આ અંગે યુનિ.ના એસ્ટેટ વિભાગને પણ એનએસયુઆઈ દ્વારા ફરિયાદ કરવામા આવી છે.
