વિદ્યાર્થીઓના ભવિષ્યને ઉજ્જવળ બનાવાની જવાબદારી તો શિક્ષકોના માથે છે જ, પણ હવે બિહારના શિક્ષકો રાજ્યમાં આવેલા દારૂના અડ્ડા પણ બંધ કરાવશે, સરકારે આ નવું કામ સોંપ્યું છે.
બિહાર સરાકરે નવો આદેશ જાહેર કર્યો છેે
શિક્ષકો દારૂના અડ્ડા બંધ કરાવાનું પણ કામ કરશે
રાજ્યના તમામ શિક્ષકોને એક એક બોડીગાર્ડ આપવાની માગ કરી
બિહારમાં શિક્ષકોએ ફરી એક વાર સરકાર સામે મોર્ચો ખોલ્યો છે. પણ આ વખતે પગાર વધારો અને પ્રોમશનને લઈને નહીં પણ દારૂના અડ્ડા પર નજર રાખવાના આદેશને લઈને સરકાર સામે બાંયો ચડાવી છે. હકીકતમાં જોઈએ તો, શિક્ષણ વિભાગના અધિક મુખ્ય સચિવ સંજય કુમારે એક પત્ર લખીને આદેશ જાહેર કર્યો છે. તેમાં પ્રાઈમરીથી લઈને હાયર સેકેન્ડરી તથા તાલિમી શિક્ષકોને દારૂબંધી માટે લોકોને જાગૃત તો કરવાના સાથે જ શિક્ષણ સમિતિના સહયોગથી હવે તેઓ દારૂબંધી અને માફિયાઓ વિરુદ્ધ કાર્યવાહી કરવા વિભાગને ફોન કરીને જાણ કરવાનું કામ સોંપવામાં આવ્યું છે.
આ પત્ર બાદ શિક્ષકોએ સરકાર પર બિન શૈક્ષણિક કામના ભારણનો આરોપ લગાવ્યો છે. સાથે જ કહ્યું છે કે, સરકાર શિક્ષકોને સમાજનો દુશ્મન બનાવા માગે છે. કારણ કે, અડ્ડા બંધ કરાવવા તે શિક્ષકોનું કામ નથી. શિક્ષક નેતા આનંદ કૌશલ સિંહ, અશ્વિની પાંડે, આનંદ મિશ્રા, પ્રદીપ કુમાર પપ્પૂ સહિત કેટલાય નેતાઓએ સ્પષ્ટ કહ્યું છે કે, જ્યારે દારૂબંધી અભિયાનને પોલીસ અને અધિકારીઓ સફલ બનાવી શક્યા નથી, તો નિ:સહાય શિક્ષકો કલમના સહારે કેવી રીતે આ કામ પાર પાડશે. શિક્ષક નેતાઓએ સરકાર સામે શરત રાખી છે કે, તેઓ આ કામ ત્યારે જ કરશે, જ્યારે સરકાર તમામ 4 લાખ શિક્ષકોને એક એક બોડીગાર્ડ આપશે. સાથે જ તેમના રહેવાની અને ખાવાની વ્યવસ્થા પણ સરકારે ખુદ કરવી પડશે, નહીંતર સરકારે આ આદેશ પાછો લેવો પડશે.
શિક્ષક નેતાઓએ એવી પણ જાહેરાત કરી છે કે, રવિવારે રાજ્યની તમામ શાળાઓના શિક્ષકો આ આદેશની કોપીને સળગાવીને તેનો વિરોધ કરશે. ત્યાર બાદ મુખ્યમંત્રીથી લઈને શિક્ષણમંત્રીના પુતળા પણ સળગાવવામાં આવશે.
બિહારમાં શિક્ષકોના માથે નાખેલી છે આટલી જવાબદારીઓ
મધ્યાહન ભોજનનું સંચાલન કરવું
તેના માટે બજારમાંથી સામાન ખરીદી લાવવાનો
ગુણવત્તાયુક્ત ખાવાનું બનાવાનું અને યોગ્ય રીતે વિતરણ કરવાનું
વિદ્યાર્થીઓના વધારેમાં વધારે એડમિશન થાય તેના માટે ગામડામાં જઈ લોકોને સમજાવવાના
સરકારના અલગ અલગ કામને લઈને સવારમાં પ્રભાત ફેરી કાઢવાની
બાળકો માટેની દવાનું વિતરણ કરવાનું
મેલેરિયા, ફલેરિયાની દવાનું વિતરણ કરવાનું
આયરનની ગોળીઓનું વિતરણ કરવાનું
વિદ્યાર્થીઓને કામ સોંપવાના
સેનેટરી નેપકિનનું વિતરણ કરવાનું
ગણવેશ વિતરણ કરવાના
વસ્તીગણતરી અને પશુગણતરી કરવાની
ઈંસ્પાયર એવોર્ડ માટે પ્રેરણા આપવાની અને તેનું રજીસ્ટ્રેશન કરવાનું
શિક્ષણ સમિતિની ચૂંટણી કરાવાની
શિક્ષણ સમિતિમાં ચૂંટાયેલા સભ્યોને તાલિમ આપવાની
સાયકલનું વિતરણ કરવાનું
વિદ્યાર્થીઓની યાદી તૈયાર કરવાની
જનજાગૃતિના કાર્યક્રમ કરવાના
હરિયાળી માટે શપથ લેવડાવવાના
બાળ વિવાહ રોકવાનું કામ
માનવ શ્રૃંખલા બનાવાનું કામ
કોરોનાકાળમાં ચોખા વિતરણ કરવાના
ચૂંટણી સંબંધિત તમામ કામ
રાશનની દુકાન પર ડયૂટી
ડ્રોપઆઉટ વિદ્યાર્થીઓની યાદી તૈયાર કરવી
બાળ રજીસ્ટ્રેશન કરવાનું
અભણ અને નિરીક્ષરોની ગણતરી
અભણ અને નિરીક્ષરોને શિક્ષણ આપવાનું
મજૂરોની યાદી બનાવવી
કોરોનાકાળમાં કોરન્ટાઈન સેન્ટરનું કામ કરવાનું
કોરોના પોઝિટીવની ગણતરી અને બિમારીની તપાસ કરવી
પ્રવાસી મજૂરોનું લિસ્ટ બનાવવું અને તેના જીવન માટેની વ્યવસ્થા કરવી
રાશન કાર્ડનું વિતરણ કરવું
સરકાર દ્વારા અલગ અલગ સમયે આપવામાં આવતા વિચિત્ર કામો