ઉના: ગીર-ગઢડાના રહેણાંક વિસ્તારમાં સિંહના આંટાફેરાનો વીડિયો સામે આવ્યો છે..વીડિયોમાં રેવન્યુ વિસ્તારમાં સિંહ લટાર મારતો જોવા મળ્યો હતો. જોકે સિંહ દેખાતો હોવાથી ઉનાળુ વાવેતર કરનાર ખેડૂતોમાં ભયનો માહોલ ફેલાયો છે. ફરેડા ગામ પાસેનો આ બનાવ છે.
ઉલ્લેખનીય છે કે કાળજાળ ગરમીની શરૂઆત થઇ ચુકી છે ત્યારે મનુષ્યથી લઇને પશુ-પક્ષીઓને પણ ગરમી લાગતી હોય છે ત્યારે આજરોજ ગીર-ગઢડા પંથકના રહેણાંક વિસ્તારમાં સિંહ જોવા મળતા ગ્રામજનોના જીવ પડીકે બંધાયા હતા અને કામ કરવાનું ટાળીને ઘરમાં જ રહેવાનું પસંદ કરેલ.
આપને જણાવી દઇએ કે ગતરોજ પણ અમરેલી નજીક આવેલ ગીરના જંગલના સિંહો ગરમી લાગવાને કારણે મારણ ઓછા કરીને ઠંડક શોધવા આમતેમ ફરી રહ્યા છે તથા રાત આખી ગર્જના કરતા રહે છે અને ગરમીથી વ્યાકુળ થઇ ઉઠ્યા હતા.