ભાવુક દ્રશ્ય / શિકારવૃત્તિ પર મમતાની જીત : સિંહણે હરણબાળનો શિકાર નહીં વ્હાલ કર્યો, દુર્લભ VIDEO વાયરલ

• જંગલમાં મમતાના પ્રેમનું દુર્લભ દ્રશ્ય
• શિકારને જ લાડ લડાવવા લાગી સિંહણ 
• સોશ્યલ મીડિયા પર વીડિયો થઈ રહ્યો છે વાયરલ

દુનિયામાં માંના પ્રેમની કોઈ સરખામણી જ નથી. આ વિડિયોમાં એક સિંહણે જંગલમાં એક હરણ બાળને દોડીને પકડી પાડ્યું હતું. પરંતુ બાદમાં તેનામાં મમતા જાગી ગઈ તેવું દ્રશ્યમાન થાય છે.  સિંહણે પોતાનાં સ્વભાવથી વિપરીત હરણનો શિકાર કરવાની બદલે તેને વ્હાલ કર્યું હતું. રાજ્યસભાના સાંસદ પરિમલ નથવાણીએ આ વીડિયોને ટ્વિટ કરતા લખ્યું હતું કે શિકારવૃત્તિ પર મમતાની જીતનું આ દ્રશ્ય જોઈને નવાઈ લાગે છે કે કેવી રીતે અમુક સમયે પ્રાણીઓ પણ પોતાના સ્વભાવથી વિપરીત દેખાતા હોય છે.

Motherhood instinct that took over the hunt instinct! Amazed at how animals sometimes behave in a manner that is contrary to their nature! Watch it till the end! #Lion #lioness #nature #wildlofe #wildlifephotography #ViralVideo pic.twitter.com/1RC7IplLll

— Parimal Nathwani (@mpparimal) November 14, 2021

આટલું જ નહીં... 
આ સિંહણ શિકાર કરવાના બદલે હરણ બાળને વ્હાલ કરી રહી હતી એ જ સમયે એક સિંહ ત્યાં આવી ગયો હતો. વિડીયોમાં દેખાઈ રહ્યું છે કે સિંહણ હરણનો શિકાર થતાં અટકાવે છે અને તેનું રક્ષણ પણ કરે છે. આ સિંહણે સાબિત કરી દીધું હતું કે પ્રાણીઓમાં પણ દયા, પ્રેમ અને કરુણા જોવા મળે છે.