ફૂટબોલ / લિયોનેલ મેસ્સીએ ફરી સર્જ્યો ઈતિહાસ, તોડ્યો એવો રેકોર્ડ કે રોનાલ્ડો બાદ બન્યો બીજો સ્ટાર ફૂટબોલર ખેલાડી

• મેસ્સી  800 ગોલ કરનાર બીજો ખેલાડી બન્યો 
• મેસ્સીએ તેની કારકિર્દીની 1018મી મેચમાં 800મો ગોલ કર્યો 
• રોનાલ્ડોએ 1095મી મેચમાં પોતાનો 800મો ગોલ કર્યો હતો

ગુરુવારે રાત્રે (23 માર્ચ) આર્જેન્ટિના અને પનામા (ARG vs PAN) વચ્ચે રમાયેલી મેચમાં લિયોનેલ મેસ્સીએ ગોલ ફટકારીને ઈતિહાસ રચ્યો હતો. આ મેચની 89મી મિનિટે મેસ્સીએ ફ્રી કિક પર ગોલ કર્યો હતો અને એ સાથે જ તેની કારકિર્દીના કુલ ગોલની સંખ્યા 800 પર પહોંચી ગઈ. નોંધનીય છે કે આ સ્થાને પહોંચનાર સૌથી ઝડપી ફૂટબોલર બની ગયો છે.જો કે આવું કરનાર તે વિશ્વનો બીજો ફૂટબોલર છે. આ પહેલા પોર્ટુગલનો સ્ટાર ફૂટબોલર ક્રિસ્ટિયાનો રોનાલ્ડો 800 ગોલ કરનાર પ્રથમ ખેલાડી બન્યો હતો. 

LIONEL MESSI'S FREE KICK GOAL FOR ARGENTINA! Via @TV_Publica. 🐐🇦🇷pic.twitter.com/zZb836PEZF

— Roy Nemer (@RoyNemer) March 24, 2023

ભલે મેસ્સી પહેલા આ કારનામું પોર્ટુગલના ક્રિસ્ટિયાનો રોનાલ્ડોએ જ કર્યું હતું પણ અહીં સુધી પહોંચવા માટે તેણે મેસ્સી કરતાં વધુ મેચ રમી છે. જણાવી દઈએ કે રોનાલ્ડોએ 1095મી મેચમાં પોતાનો 800મો ગોલ કર્યો હતો, જ્યારે મેસ્સીએ તેના કરતા 77 મેચ ઓછી રમીને આ કારનામું કર્યું હતું. મેસ્સીએ તેની કારકિર્દીની 1018મી મેચ પનામા સામે રમી હતી જેમાં તેને તેનો 800મો ગોલ કર્યો હતો. 

IT JUST HAD TO BE A LIONEL MESSI FREE KICK GOLAZO FOR NO. 800 🔥 pic.twitter.com/jsinxGZCnE

— ESPN FC (@ESPNFC) March 24, 2023

ફિફા વર્લ્ડ કપ 2022 જીત્યા બાદ આર્જેન્ટિનાની ટીમે પહેલી વખત મેદાનમાં ઉતરી હતી અને આ મેચ બ્યુનોસ આયર્સના 'ધ મોન્યુમેન્ટલ સ્ટેડિયમ'માં રમાઈ હતી. જણાવી દઈએ એક 84000 પ્રેક્ષકોની ક્ષમતાવાળું આ સ્ટેડિયમ વર્લ્ડ ચેમ્પિયન ટીમને જોવા માટે આખું ભરાઈ ગયું હતું. આ સાથે જ આર્જેન્ટિનાના ખેલાડીઓએ ત્યાં મેચ જોવા આવેલ લોકોને વર્લ્ડ કપની ટ્રોફી પણ બતાવી અને શુભેચ્છા પણ પાઠવી. 

પનામા સામે મેસ્સીના ગોલની વાત કરીએ તો તેણે 89મી મિનિટમાં ફ્રી કિકની મદદથી આ ગોલ કર્યો હતો. તેના ગોલ બાદ આખું સ્ટેડિયમ મેસ્સી-મેસ્સીના અવાજથી ગુંજી ઉઠ્યું હતું. આર્જેન્ટિનાએ આ મેચ 2-0ના માર્જિનથી મેચ જીતી લીધી હતી.