લિયોનલ મેસી હવે ક્યા ક્લબમાંથી રમશે તેને લઇને અટકળો ચાલી રહી હતી. હવે આ ચર્ચા પર પૂર્ણવિરામ લાગી ગયુ છે કારણકે મેસીએ એક ક્લબની ઑફરનો સ્વિકાર કરી લીધો છે.
મેસીએ જોઇન કર્યુ PSG ક્લબ : રિપોર્ટ
બાર્સેલોના છોડતી વખતે ઇમોશનલ થયો મેસી
બાર્સેલોના માટે 672 ગોલ કર્યા
મેસીએ જોઇન કર્યુ PSG
મેસીએ ફ્રેંચ ક્લબ પેરિસ સેન્ટ જર્મનની ઓફરનો સ્વિકાર કરી લીધો છે. PSG સાથે મેસીએ 2 વર્ષનો કરાર કર્યો છે. એવું કહેવામાં આવી રહ્યું છે તે આજે જ મેસીને PSGના નવા ખેલાડીના રૂપમાં પ્રસ્તુત કરવામાં આવશે.
🚨JUST IN: Leo Messi and his family has arrived at the airport. They will land in Paris at around 3:00PM in the afternoon & Messi will then have this medicals at PSG.
જૂન 2023 સુધી મેસીનો કરાર
મીડિયા રિપોર્ટ્સ અનુસાર PSG મેસીને વાર્ષિક 35 મિલીયન યુરો એટલે કે લગભગ 306 કરોડ રૂપિયા સેલેરી આપશે. મેસી અને PSG વચ્ચે જૂન 2023 સુધી કરાર થયો છે અને તેને 2024 સુધી વધારવાનો વિકલ્પ પણ રાખવામાં આવ્યો છે.
બાર્સેલોના છોડ્યા બાદ માત્ર PSGએ જ મેસી અને તેના પિતા હોર્હે મેસી સાથે સંપર્ક કર્યો હતો. સતત વાતચીત બાદ ડીલ ફાઇનલ થઇ ગઇ હતી.
બાર્સેલિનાએ મેસીને કેમ જવા દીધો
દુનિયાના બેસ્ટ ક્લબમાં સામેલ બાર્સેલોનામાં મેસી સિવાય પણ ઘણા સ્ટાર ખેલાડી છે. બાર્સેલોના પોતાના ખેલાડીઓને તગડી સેલેરી આપે છે અને મેસીની સેલેરી ભારે હતી. ક્લબ પર દેવું હોવાના કારણે તેણે મેસીને જવા દીધો હતો.
બાર્સેલોના માટે મેસીએ 672 ગોલ કર્યા
મેસીએ 2001-05માં બાર્સેલોના સાથે પોતાનો સિનિયર ક્લબ કરિયર શરૂ કર્યુ હતુ. તેણે બાર્સેલોના માટે રમેલ 778 મેચમાં 672 ગોલ કર્યા હતા. બાર્સેલોના સાથે મેસીએ 34 ખિતાબ જીત્યા છે.
આર્જેન્ટિનાના આ સ્ટાર ફૂટબોલરને સ્પેનિશ ફૂટબોલ ક્લબ બાર્સેલોના છોડવું પડ્યું છે. 13 વર્ષની ઉંમરમાં આ ક્લબ સાથે જોડાયા હતા અને 21 વર્ષ સુધી તે આ જ ક્લબમાંથી રમતાં રહ્યાં હતા. બાર્સેલોનાની ટીમને ભારે નાણાકીય સંકટમાંથી પસાર થવું પડી રહ્યું છે. ક્લબ પર 8000 કરોડ રૂપિયાનું દેવું છે. જ્યારે મેસીની 2017માં ક્લબથી છેલ્લી ડીલ 4900 કરોડ રૂપિયાની થઇ હતી. જેના કારણે મેસીનો કરાર ડ્રોપ કરવો પડ્યો હતો.
મેસીનું નિવેદન
રવિવારે ક્લબ તરફથી મેસીની ફેરવેલ રાખવામાં આવી હતી. કેમ્પ નોઉ સ્ટેડિયમમાં થયેલી આ ફેરવેલમાં મેસી પોતાની લાગણીઓ પર કાબૂ ન રાખી શક્યા અને રડવા લાગ્યા હતા.
બાર્સેલોના ઘર જેવું
મેસીએ કહ્યું કે, બાર્સેલોના મારા ઘર જેવું છે, 21 વર્ષ અહી વિતાવ્યા બાદ છોડવું મારા માટે મુશ્કેલ છે. મેં ક્યારેય વિચાર્યુ નહોતું કે આવો પણ એક દિવસ આવશે. હું આ ઘટના માટે તૈયાર નહોતો. સ્પેનિશ લીગના નિયમો અનુસાર મારો કોન્ટ્રાક્ટ આગળ વધારવો સંભવ નહોતો. મે મારી સેલેરી 50% ઓછી કરી દેવાની ઑફર પણ આપી પરંતુ કંઇ વાત બની નહી.