લટાર / પાણીની શોધમાં રાવળ ડેમ પર આવી સિંહે કરી ગર્જના, વીડિયો થયો વાયરલ

અમરેલીમાં રાવળ ડેમ પર સિંહ લટાર મારતો જોવા મળ્યો હતો. પાણીની શોધમાં સિંહ ખાંભા તુલસીશ્યામ રેન્જના રાવળ ડેમ પર આવી પહોંચ્યો હતો. ત્યારે ડેમ પાસે સિંહ ગર્જના પણ કરતો નજરે પડ્યો. ઉનાળાના સમયમાં સિંહો પાણીની શોધમાં નીકળી રહ્યા છે. ત્યારે રાવળ ડેમ જંગલની નજીક હોવાથી સિંહ અહિંયા પહોંચ્યો હોવાનું અનુમાન છે.

જંગલની રાણી સિંહણ અને શ્વાન વચ્ચે જંગલમાં લડાઈ
મહત્વનું છે કે ગઇકાલે ગીરના જંગલમાં અદભુત દ્રશ્યો મોબાઈલમાં કેદ થયાં ગઇ હતા. સિંહણ અને શ્વાન વચ્ચેના લડાઈના દ્રશ્યો સામે આવ્યા હતા. પોતાના બચ્ચાને શ્વાનથી બચાવવા માટે સિંહણ શ્વાન સામે જંગે ચડતી જોવા મળી હતી. 

ગીરના જંગલમાં સિંહોની લડાઈના દ્રશ્યો તો અવાનનવાર જોવા મળતા હોય છે. પરંતુ એક શ્વાન સાથેની લડાઈના દ્રશ્યો સામે આવતાં સૌ કોઈ ચોંકી ગયા હતા.