સોશિયલ મીડિયામાં એક વીડિયો વાયરલ થયો છે જેમાં એક યુવક 2 સિંહ સામે જિંદગીને બચાવવાનો પ્રયાસ કરી રહ્યો છે. આ યુવક સિંહને પીવાના પાણીના કુંડની આસપાસ પહોંચી જાય છે અને અચાનક બે સિંહ તેની સામે આવી જાય છે. જોકે આ ઘટનાને દુરથી નિહાળી રહેલા લોકો બુમાબુમ કરી મુકે છે અને સિંહને ભગાડવાનો પ્રયાસ કરે છે.
જોકે આ બન્ને સિંહ યુવક પર આક્રમણ કરવાની ફિરાકમાં જોવા મળે છે. માત્ર 10 ફૂટની દુરીથી આ યુવક પણ ગભરાઈ જાય છે. તેવામાં ત્યાં હાજર લોકો સિંહ પર પથ્થરમારો કરે છે અને તેને ભગાડવાનો પ્રયાસ કરે છે. લોકો બુમાબુમ કરતા બન્ને સિંહ ત્યાંથી રવાના થઈ જાય છે અને યુવક પાણીના કુંડમાંથી તરીને જીંદગીની જંગ જીતી જાય છે. આ વિડીયો ક્યાનો છે અને કઈ તારીખનો છે તે અંગે કોઈ પુષ્ટી થઈ શકી નથી પરંતુ દિલચસ્પ વિડીયોમાં યુવક બે ઘડી સામે મોત ભમી રહ્યુ હોવાનો એહસાસ કરી લેતો નજરે પડે છે.