અમરેલીમાં સિંહ રસ્તે જોવા મળે છે એ હવે આમ વાત થઈ ગઈ છે પરંતુ ફરીથી એકવાર વનરાજે માણસ ઉપર હૂમલો કર્યો છે. શ્રમિકના લોહીવાળા કપડા મળી આવ્યા છે. સિંહ શ્રમિક ઉપર હૂમલો કરીને તેને ઢસેડીને દૂર સુધી લઈ ગયો હતો. આ ઘટનાની જાણ થતા અમરેલી પંથકમાં ચકચાર મચી ગઈ છે.
મજૂરના લોહી વાળા કપડા મળી આવ્યા
દલખાણીયા રેન્જના ડાભાળી જીરા વિસ્તારની ઘટના
સિંહે મજૂર પર હુમલો કરી દૂર સુધી ઢસડી ગયો
ઘટનાની જાણ થતા વનવિભાગ પહોંચ્યુ ઘટના સ્થળે
અમરેલીના ધારીમાં ફરી એક વખત સિંહે એક વ્યક્તિ પર હુમલો કર્યો છે. ડભાળી જીરા પાસે સિંહે શ્રમિક પર હુમલો કર્યો હતો. શ્રમિકના લોહીવાળા કપડા મળી આવ્યા હતા. સિંહ શ્રમિક પર હુમલો કરીને ઢસડીને દૂર સુધી લઈ ગયો ગતો. આ ઘટનાની જાણ થતા વનવિભાગના અધિકારીઓ ઘટનાસ્થળે દોડી આવ્યા હતા.
સ્થાનિકોમાં ફફડાટ
દિપડાના આતંક બાદ હવે સિંહે પણ અમરેલીમાં ડેરા નાંખતા સ્થાનિકોમાં ફફડાટની લાગણી જોવા મળી રહી છે. સિંહ પોતાની ટેરીટરી છોડીને માનવ વસાહતો તરફ અતિક્રમણ કરી રહ્યા છે જેના પરિણામે સિંહ માનવનો શિકાર કરી રહ્યા છે.