ટેક્નોલોજી / આ એપ પર હવે ફેસબુક, ઇન્સ્ટાગ્રામની જેમ story ફિચર યુઝ કરાશે 

• Linkedin પર story ફિચર આવશે
• સૌથી પહેલા સ્નેપચેટમાં સ્ટોરીઝ ફિચર આવ્યું હતુ
• ફેસબુક,વોટ્સએપ અને ઇન્સ્ટાગ્રામ પર story ફિચર છે

કંપનીએ આની સત્તાવાર પુષ્ટિ કરી છે કે, Linkedin સ્ટોરીઝનું હાલમાં પરીક્ષણ ચાલી રહ્યું છે અને ટૂંક સમયમાં જ બહાર પાડવામાં આવશે, જોકે કંપનીએ તેના માટે કોઈ તારીખ આપી નથી.  તમને જણાવી દઈએ કે સ્ટોરીઝ સૌ પ્રથમ સ્નેપચેટ પર આવી હતી. ત્યારબાદ ફેસબુક અને ઇન્સ્ટાગ્રામએ તેની નકલ કરી.

સ્ટોરીઝની વિશેષતા અંગે Linkedinએ એક નિવેદનમાં કહ્યું કે, 'અમને સ્ટોરીઝને લઈને વ્યાવસાયિક જીવનમાં ઘણો અનુભવ જોવા મળે છે.સ્ટોરીઝ દ્વારા કોઈ વિશેષ ક્ષણ શેર કરવાનું ખૂબ અનુકૂળ અને અસરકારક છે. જો કે, આ પહેલીવાર નથી જ્યારે લિંક્ડિન સ્ટોરીઝ પર કામ કરે છે.

આ પહેલા 2018 માં, કંપનીએ સ્ટોરીઝ ફિચર અજમાવ્યો હતો, પરંતુ તે સમયે આ સુવિધા ફક્ત યુનિવર્સિટીના વિદ્યાર્થીઓ માટે હતી. તે સમય દરમિયાન કંપનીએ સ્ટોરીઝ ફિચરનુ નામ 'સ્ટુડન્ટ વોઇસ' રાખ્યું હતું જે ફક્ત અમેરિકન વિદ્યાર્થીઓ માટે હતું.

તાજેતરમાં જ Linkedinના CEO જેફ વિનરે તેમના પદને છોડવાનુ જાહેર કર્યુ હતુ. વિનરની જગ્યાએ પ્રોડક્ટ સિનિયર વાઇસ પ્રેસિડેન્ટ રાયન રોઝલાન્સ્કી આવશે. વિનરે પોતાની એક પોસ્ટમાં રાજીનામાની માહિતી આપી હતી.