કેન્દ્ર સરકારે બેંક ખાતાને આધાર સાથે લિંક કરવાની ડેડલાઈન 31 માર્ચ 2021 રાખી છે તો તમે પણ આ કામ કરી લો.
બેંક એકાઉન્ટને આધાર સાથે કરો લિંક
ઓનલાઈન કે ઓફલાઈન રીતે કરી શકશો આ કામ
બેંક ખાતાને આધાર સાથે લિંક કરવાની ડેડલાઈન 31 માર્ચ 2021
શું તમારું બેંક એકાઉન્ટ આધાર સાથે લિંક નથી તો તમારે આજે જ આ કામ કરી લેવાની જરૂર છે. જો તમે ફટાફટ આ કામ નહીં કરો તો કેન્દ્ર સરકારના નિયમ અનુસાર તમારું ખાતું ફ્રિઝ થઈ શકે છે. કેન્દ્ર સરકારે બેંક ખાતાને આધાર સાથે લિંક કરવાની ડેડલાઈન 31 માર્ચ 2021 રાખી છે. અહીં તમે ઓનલાઈન અને ઓફલાઈન રીતે પણ તમારું એકાઉન્ટ લિંક કરાવી શકો છો. તમને મુશ્કેલી ન પડે માટે આ સુવિધા રાખવામાં આવી છે. જો તમે આ કામ નહીં કરો તો ડેડલાઈન બાદ તમારું એકાઉન્ટ ફ્રીઝ કરી દેવામા આવશે.
આ રીતે ચેક કરો તમારું આધાર બેંક એકાઉન્ટ સાથે લિંક છે કે નહીં
સૌથી પહેલાં તો UIDAIની અધિકૃત વેબસાઈટ uidai.gov.in પર જાઓ.
અહીં આધાર સેવાઓના સેક્શન પર ક્લિક કરો.
આઘારથી બેંક એકાઉન્ટ લિંક થનારા સ્ટેટસ પર ‘Check Aadhaar & Bank Account Linking Status’પર ક્લિક કરો.
અહીં તમને એક નવું પેજ ઓપન થયેલું જોવા મળશે.
અહીં તમે 12 અંકનો આઘાર નંબર લખો.
આ પછી સ્ક્રીન પર સિક્યોરિટી કોડ આવશે જેને ભર્યા બાદ ઓટીપી મળશે. તેનાથી એન્ટર કરીને ફરીથી લોગઈન કરો.
જો તમારું ખાતું આધાર સાથે લિંક થઈ ગયું હશે તો તમને સામે મેસેજ મળશે કે “Congratulations! Your Bank Aadhaar Mapping has been done”.
ઓફલાઈન રીતે લિંક કરવા માટે છે આ પ્રોસેસ
જો તમે નેટ બેંકિંગનો યૂઝ નથી કરતા તો તમે બેંક જઈને પણ આઘારથી તેને લિંક કરાવી શકો છો. આ માટે તમારે આધારની ફોટો કોપી આપવાની રહે છે. આ સાથે પાસબુક લઈને જાઓ. અહીં એક ફોર્મ ભરીને સબ્મિટ કરો. જેનાથી તમારું આધારથી એકાઉન્ટ લિંક કરાવી શકાશે. જ્યારે ખાતું લિંક થઈ જશે ત્યારે બેંક તમને એક મેસેજ મોકલશે. ધ્યાન રાખો કે બેંકમાં રજિસ્ટર્ડ મોબાઈલ નંબર અને આધારમાં રજિસ્ટર્ડ મોબાઈલ નંબર એકસરખા હોય.
આ રીતે ઓનલાઈન પ્રોસેસથી કરી લો લિંક
એકાઉન્ટને ઓનલાઈન લિંક કરવા ઈન્ટરનેટ બેંકિંગમાં લોગઈન કરો.
અહીં આધાર નંબરને લિંક કરવાનું ઓપ્શન મળશે.
જો તમે એસબીઆઈની ગ્રાહક છો તો www.onlinesbi.com પર લોગઈન કરો અને પછી સ્ક્રીનની ડાબી બાજુ My Accountsમાં Link your Aadhaar numberનું ઓપ્શન મળશે.
અહીં જઈને આધાર નંબર ભરો.
હવે રજિસ્ટર્ડ મોબાઈલ નંબરના છેલ્લા 2 નંબર ડિસ્પ્લે થશે.
લિંક થયેલા સ્ટેટસ આ મોબાઈલ પર મોકલાશે.
મોબાઈલથી આ રીતે ચેક કરો
જો તમે રજિસ્ટર્ડ મોબાઈલ નંબરથી *99*99*1# ડાયલ કરશો તો તમારે અહીં આધાર નંબર એન્ટર કરવાનો રહે છે. સબમિટ બટન પર ક્લિક કરતાં આધારથી બેંકની લિંક થયાની જાણકારી તમને મળી જશે.