EPFO / પીએફ ખાતાધારકો માટે મહત્વના સમાચાર, 31 ઓગસ્ટ પહેલાં કરી લેજો આ કામ નહીં પૈસા અટકી જશે

• 6 કરોડ નોકરિયાત લોકો માટે કામના સમાચાર છે
• EPFOએ નિમયોમાં મોટો ફેરફાર કર્યો
• EPF એકાઉન્ટને આધાર સાથે લિંક કરવું જરૂરી

નવા નિયમ મુજબ, હવે EPF એકાઉન્ટને આધાર સાથે લિંક કરવું જરૂરી બની ગયું છે. આગામી મહિને એટલે કે 1 સપ્ટેમ્બર સુધી જો તમે આધારને પીએફ સાથે લિંક નહીં કરો તો તમે પીએફમાંથી પૈસા ઉપાડી શકશો નહીં. 

તમને જણાવી દઈએ કે EPFO ​એ ઇલેક્ટ્રોનિક ચાલાન અને રિટર્ન (ECR) ભરવા માટે યુનિવર્સલ એકાઉન્ટ નંબર સાથે આધાર લિંક કરવાની તારીખ 1 સપ્ટેમ્બર કરી હતી, એટલે કે તમારી પાસે ફક્ત 31 ઓગસ્ટ સુધીનો જ સમય છે, તો ફટાફટ UAN નંબરને આધાર સાથે લિંક કરી દો. 

જાણો શું છે નિયમ?

EPFOએ સોશિયલ સિક્યોરિટી કોડ 2020 હેઠળ UANને આધાર સાથે લિંક કરવાનો નિર્ણય લીધો હતો. આ અંતર્ગત તમામ EPF ખાતાધારકોનો યુનિવર્સલ એકાઉન્ટ નંબર (UAN) પણ આધાર વેરિફાઇડ હોવો જરૂરી છે. જો તમારું આધાર તમારા UAN સાથે લિંક નથી, તો તમારા એમ્પ્લોયર તમારા EPF ખાતામાં મંથલી PF યોગદાન જમા કરી શકશે નહીં. ઉપરાંત, જ્યાં સુધી લિંકિંગ ન થાય ત્યાં સુધી તમે તમારા EPFમાંથી લોન કે ઉપાડ કરી શકશો નહીં.

આ રીતે પીએફ ખાતાને આધાર સાથે લિંક કરો

• સૌ પ્રથમ તમે EPFO ​​ની સત્તાવાર વેબસાઇટ પર જાઓ.
• પછી આ લિંક પર ક્લિક કરો https: // unifiedportal mem.epfindia.gov.in/memberinterface/
• હવે તમારું UAN અને પાસવર્ડ દાખલ કરીને લોગિન કરો.
• આ પછી મેનેજ સેક્શનગમાં KYC ઓપ્શન સિલેક્ટ કરો.
• હવે EPF ખાતા સાથે આધારને લિંક કરવા માટે તમારી સામે ઘણાં દસ્તાવેજો દેખાશે.
• તમે આધાર વિકલ્પ પર ક્લિક કરો અને  તમારો આધાર નંબર અને આધાર કાર્ડ પર રહેલાં તમારા નામને લખીને સર્વિસ પર ક્લિક કરો. 
• આ પછી તમે આપેલી માહિતી સુરક્ષિત રહેશે અને તમારું આધાર UIDAIના ડેટા સાથે વેરિફાઈ કરવામાં આવશે.
• જો તમારા કેવાયસી દસ્તાવેજો સાચા હશે તો તમારું આધાર તમારા ઇપીએફ ખાતા સાથે લિંક થઈ જશે અને તમને તમારી આધાર માહિતીની સામે વેરિફાઇ લખેલું મળશે.

ઓફલાઇન પણ લિંક કરી શકો છો

જો તમે ઓફલાઇન લિંક કરવા માંગો છો તો તમારે પહેલા આધાર સીડિંગ અરજી ફોર્મ ભરવાનું રહેશે. અહીં તમારે તમારા યુએએન અને આધાર સાથે તમામ વિગતો આપવી પડશે. તમારા UAN, PAN અને આધારની સેલ્ફ અટેસ્ટેડ કોપી અટેચ કરવાની રહેશે. આ પછી તેને ઇપીએફઓ અથવા કોમન સર્વિસ સેન્ટર (સીએસસી) આઉટલેટની કોઈપણ ફિલ્ડ ઓફિસમાં એક્ઝિક્યુટિવને સબમિટ કરવાનું રહેશે. યોગ્ય ચકાસણી પછી, તમારું આધાર તમારા ઇપીએફ એકાઉન્ટ સાથે લિંક થઈ જશે. એકવાર લિંક થયા પછી તમને તમારા રજિસ્ટર્ડ મોબાઇલ નંબર પર એક વેરિફિકેશન મેસેજ મળી જશે.