પાનને આધાર કાર્ડ સાથે 31 માર્ચ સુધી જ લિંક કરી શકાશે.
પાન કાર્ડને આધાર સાથે કરો લિંક
31 માર્ચ છે છેલ્લી તારીખ
નહીં તો લાગશે 10 હજારનો દંડ
જો તમે હજુ સુધી આધાર કાર્ડને પાન કાર્ડ સાથે લિંક નથી કર્યું તો તરત જ લિંક કરો. આધાર અને પાન કાર્ડને લિંક કરવાની તારીખ ખૂબ નજીક આવી ગઈ છે. પાનને આધાર કાર્ડ સાથે 31 માર્ચ સુધી જ લિંક કરી શકાશે. તમે વગર પાન કાર્ડ અને આધાર કાર્ડને લિંક કરે રિટર્ન ફાઈલ કરી શકો છો.
10000 સુધી થઈ શકે છે દંડ
પરંતુ જ્યાં સુધી તમે આધાર-પાનને લિંક નહીં કરો, ત્યાં સુધી આવક વેરા વિભાગ તમારા રિટર્નને પ્રોસેસ નહીં કરે. 31 માર્ચ 2022 સુધી પાન કાર્ડને આધાર કાર્ડ સાથે લિંક ન કરવા પર 10000 રૂપિયા સુધી દંડ ભરવો પડી શકે છે. સાથે જ પાન કાર્ડને ડિએક્ટિવેટ પણ કરવામાં આવી શકે છે.
જો તમે SMS દ્વારા આધાર અને પાન કાર્ડ લિંક કરવા માંગો છો તો સૌથી પહેલા સ્માર્ટફોનમાં મેસેજને ઓપન કરો. એક નવો મેસેજ ટાઈપ કરો. ટેક્સ્ટ મેસેજ સેક્શનમાં UIDPAN <12 આંકડાનો આધાર નંબર><10 આંકડાનો પાન નંબર> લખીને 567678 અથવા 56161 પર એસએમએસ મોકલો.
જો તમે વેબસાઈટ દ્વારા આધાર-પાન લિંક કરવા માંગો છો તો આવકવેરા વિભાગના ઈ-ફાઈલિંગ પોર્ટલ www.incometaxindiaefiling.gov.in પર જાઓ. ત્યાર બાદ યુઝર આઈડી, પાસવર્ડ અને જન્મતારીખ લખીને પોર્ટલ પર લોગઈન કરો.
જો તમે પોર્ટલ પર રજીસ્ટર્ડ નથી તો તમે પાન કાર્ડનો ઉપયોગ કરી શકો છો. મેન્યુ બારમાં પ્રોફાઈલ સેટિંગ્સ પર ક્લિક કરો અને પછી લિંક આધાર ઓપ્શન પર ક્લિક કરો. આધાર નંબર નોંધો અને લિંક આધાર બટન પર ક્લિક કરો. ત્યાર બાદ પાન કાર્ડને આધાર કાર્ડ સાથે લિંક કરી દેવામાં આવશે.