ઇન્કમટેક્સ વિભાગને આપતી વખતે પણ પારદર્શિતા જળવાઈ રહે તે માટે આગામી દિવસોમાં અધિકારી જયારે પણ કરદાતાના ડોક્યુમેન્ટ્સ સ્વીકારશે. તે સમયે સમગ્ર કાર્યવાહી ઈન કેમેરા જ કરવાની નવી વ્યવસ્થા વિભાગ દ્વારા ઊભી કરવામાં આવી છે.
ઇન્કમટેક્સ વિભાગમાં એસેસમેન્ટ વખતે કેટલાકે કેસમાં કરદાતાએ ઓફ લાઈન કેટલાક ડેટા આપવાના હોય છે. આ ડેટા ઇન્કમટેક્સ વિભાગને આપતી વખતે પણ પારદર્શિતા જળવાઈ રહે તે માટે આગામી દિવસોમાં અધિકારી જયારે પણ કરદાતાના ડોક્યુમેન્ટ્સ સ્વીકારશે. તે સમયે સમગ્ર કાર્યવાહી ઈન કેમેરા જ કરવાની નવી વ્યવસ્થા વિભાગ દ્વારા ઊભી કરવામાં આવી છે જેનો બહુ જ ઝડપથી અમલ થશે.
ઇન્કમટેક્સ વિભાગમાં કેટલાક કેસ જૂના હોય છે તેમાં ક્યારેક એસેસમેન્ટ સમયે ડોક્યુમેન્ટ્સ કે ડેટા ઓન લાઇનને બદલે ઓફ લાઈન આપવાના થતા હોય તેવી પરિસ્થિતિ સર્જાતી હોય છે. કારણકે કેટલાક કિસ્સાઓમાં ડોક્યુમેન્ટ વધુ પડતા હોય જેને અપલોડ કરી શકાય તેમ ન હોય તો વિભાગની મંજૂરી લઈને આવા ડોક્યુમેન્ટ ઓફ લાઈન લેવામાં આવે છે.
ડોક્યુમેન્ટ વધારે હોય તેવા કિસ્સામાં કરદાતાએ ઇન્કમટેક્સ અધિકારી અને ઉચ્ચ અધિકારીની પૂર્વ પરવાનગી લેવી પડશે કરદાતાને અધિકારીની મંજૂરી મલ્યા બાદ ડોક્યુમેન્ટ ઓફ લાઈન સ્વીકાર કરવા માટેનો એક મેઈલ કરવામાં આવશે.
આ મેઈલમાં અધિકારીને મળવાનો સમય નક્કી કરવામાં આવ્યો હશે. કરદાતા જયારે આવશે ત્યારે અધિકારી પોતાની કેબિન છોડીને ઇન્કમટેક્સ ઓફિસમાં નક્કી કરાયેલી નવી જગ્યાએ આવી જશે એ એવી ઓફિસ હશે જ્યાં ચારે તરફ કેમેરા લગાવેલા હશે અને તેનું ઓડીઓ અને વીડિઓ રેકોર્ડિંગ પણ થશે.