ગર્વની વાત / સ્પેસ એક્સની જેમ ભારતનું પ્રથમ ખાનગી રોકેટ લોન્ચ માટે તૈયાર, 3 પેલોડ સાથે આ દિવસે રચશે ઇતિહાસ

• ભારતનું પહેલું ખાનગી રીતે વિકસિત રોકેટ વિક્રમ-એસને લોન્ચ કરવા માટે તૈયાર
• વિક્રમ સારાભાઈના નામ પર રોકેટ
• બનાવ્યું દેશી ક્રાયોજેનિક એન્જિન

ભારતમાં પણ અમેરિકન કંપની સ્પેસ એક્સની જેમ હવે પ્રાઈવેટ સ્પેસ ઈન્ડસ્ટ્રીએ પણ પોતાનું કૌશલ્ય બતાવવા લાગી છે. જણાવી દઈએ કે હૈદરાબાદ સ્થિત અંતરીક્ષ સ્ટાર્ટઅપ સ્કાયરૂટ એરોસ્પેસ એ સબર્બિટલ મિશન માટે ભારતનું પહેલું ખાનગી રીતે વિકસિત રોકેટ વિક્રમ-એસને લોન્ચ કરવા માટે તૈયાર કર્યું છે. મળતા અહેવાલો મુજબ સ્કાયરૂટ એરોસ્પેસ ત્રણ પેલોડ સાથે વિક્રમ-એસનેસબ-ઓર્બિટલ મિશન માટે 15 નવેમ્બરે લોન્ચ કરશે.

Thrilled to announce #Prarambh, our maiden launch mission, also the first for the Indian private space sector, with launch window between 12-16 Nov '22. Thanks to Chairman @isro for unveiling our mission patch and @INSPACeIND for all the support.

Stay tuned🚀#OpeningSpaceForAll pic.twitter.com/xha83Ki2k0

— Skyroot Aerospace (@SkyrootA) November 8, 2022

સ્કાયરૂટ એરોસ્પેસનું પહેલું મિશન જેનું નામ 'પ્રારંભ' છે, એ બે ભારતીય અને એક વિદેશી ગ્રાહકોને પેલોડ લઈ જશે. પ્રારંભ મિશન હેઠળ રોકેટને શ્રીહરિકોટા ખાતે ભારતીય અંતરીક્ષ સંશોધન સંસ્થાના લોન્ચપેડ પરથી લોન્ચ કરવામાં આવશે. જણાવી દઈએ કે એક વાતચીત દરમિયાન સ્કાયસ્પેસે શુક્રવારે કહ્યું હતું કે, “હૃદયના ધબકારા વધી ગયા, દરેકની નજર આકાશ તરફ છે અને પૃથ્વી સાંભળી રહી છે. આ લોન્ચ માટે 15 નવેમ્બર 2022 તરફ ઈશારો કરે છે.'  આ સાથે જ સ્કાયરૂટ તરફથી જાણવા મળ્યું હતું કે લોન્ચ સવારે 11:30ની આસપાસ થશે. 

વિક્રમ સારાભાઈના નામ પર રોકેટ
કંપનીએ જણાવ્યું હતું કે ભારતીય અવકાશ કાર્યક્રમના સ્થાપક અને જાણીતા વૈજ્ઞાનિક વિક્રમ સારાભાઈને શ્રદ્ધાંજલિ રૂપે સ્કાયરૂટના લોન્ચ વાહનનું નામ 'વિક્રમ' રાખવામાં આવ્યું છે. હૈદરાબાદમાં આવેલ સ્કાયરૂટ પહેલું સ્ટાર્ટઅપ હતું જેને તેના રોકેટ લોન્ચ કરવા માટે ISRO સાથે એમઓયુ પર હસ્તાક્ષર કર્યું હતું.  નિવેદનમાં કહેવામાં આવ્યું છે કે તેનો ઉદ્દેશ્ય સસ્તું, વિશ્વસનીય અને બધા માટે નિયમિત અંતરીક્ષ ઉડાન બનાવવાના તેના મિશનને આગળ વધારતા ઉપગ્રહ લોન્ચ સેવ અને અવકાશમાં પ્રવેશના અવરોધોને દૂર કરવાનો છે.

Excitement is up, with our launch window getting narrower. Exhilarating days at the launch pad, with our crew preparing for the big day. Heartbeats quicken. All gazes are up to the sky. The earth is listening. It all points to 15 Nov '22 for launch. #Prarambh #OpeningSpaceForAll pic.twitter.com/lmBJLRczgq

— Skyroot Aerospace (@SkyrootA) November 11, 2022

બનાવ્યું દેશી ક્રાયોજેનિક એન્જિન
2018 માં સ્થપાયેલ સ્કાયરૂટે ભારતનું પહેલું ખાનગી રીતે વિકસિત ક્રાયોજેનિક હાઇપરગોલિક-લિક્વિડ  સને સોલીડ ફ્યુઅલ આધારિત રોકેટ અદ્યતન એન્જિનનું સફળતાપૂર્વક ઉત્પાદન અને પરીક્ષણ કર્યું હતું જેમાં સંયુક્ત અને 3D-પ્રિન્ટિંગ તકનીકોનો ઉપયોગ કરવામાં આવ્યો હતો. સ્કાયરૂટ એરોસ્પેસે આ વર્ષે સપ્ટેમ્બરમાં સિરીઝ-બી ફંડિંગ દ્વારા સફળતાપૂર્વક $51 મિલિયન એકઠા કર્યા હતા અને ગયા વર્ષે જુલાઈમાં સિરીઝ-A $11 મિલિયન એકત્ર કર્યા હતા.