કોરોનાનો ડેલ્ટા વેરિયન્ટ ઈન્ડોનેશિયામાં બાળકો માટે મોત બનીને ત્રાટક્યો છે. છેલ્લા થોડા અઠવાડિયામાં ડેલ્ટા વેરિયન્ટે 800 કરતા પણ વધારે બાળકોનો ભોગ લીધો છે.
કોરોના વાયરસનો ડેલ્ટા વેરિયન્ટ ઈન્ડોનેશિયામાં બાળકો માટે મોત બનીને ત્રાટક્યો
છેલ્લા અઠવાડિયાથી કોરોના મહામારીને કારણે હજારો બાળકોના મોત થયા છે
ઈન્ડોનેશિયામાં બાળકોના મોતનો દર દુનિયાના બીજા ભાગોની તુલનામા ઘણો વધારે
ઈન્ડોનેશિયામાં બાળકોના મોતનો દર દુનિયાના બીજા હિસ્સા કરતા ઘણો વધારે છે. ઉલ્લેખનીય છે કે અત્યાર સુધી એવું કહેવામાં આવતું હતું કે બાળકોને કોરોના વાયરસનો સૌથી ઓછો ખતરો છે.
આ દેશના કુલ મામલામાં 12.5 ટકા મામલા બાળકોના
ઈન્ડોનેશિયાની આ ભયાનક સ્થિતિને કારણે દુનિયાનું ટેન્શન વધ્યું છે. ચાલુ મહિનામાં જ દેશમાં 100 કરતા વધારે બાળકોના મોત થયા છે. ઈન્ડોનેશિયામાં બાળ રોગના વિશેષજ્ઞોએ રિપોર્ટના આધાર પર દેશના કુલ મામલામાં 12.5 ટકા મામલા બાળકોના છે. ગત મહિનાની સરખામણીએ વધારે છે. ફક્ત 12 જુલાઈના અઠવાડિયા દરમિયાન કોરોનાથી 150થી વધારે બાળકોના મોત થયા છે. જેમાં લગભગ અડધા બાળકો 5 વર્ષથી વધારે ઉંમરના હતા. કુલ મળીને ઈન્ડોનેશિયામાં 3 લાખથી વધારે મામલા અને 83,000 મોત થયા છે.
અહીં 18 વર્ષથી ઓછી ઉંમરના 800થી વધારે બાળકોના મોત થઈ ચુક્યા છે
કોરોનાની શરુઆતથી લઈને અત્યાર સુધી ઈન્ડોનેશિયામાં 18 વર્ષથી ઓછી ઉંમરના 800થી વધારે બાળકોના મોત થઈ ચુક્યા છે. પરંતુ આમાંથી મોટાભાગના મોત ગત મહિને થઈ. અહીં હોસ્પિટલ પોતાની ક્ષમતા કરતા વધારે ભરાયેલા પડ્યા છે. કોરોનાથી લડી રહેલા બાળકો માટે અલગ હોસ્પિટલ સ્થાપિત કરાયા છે. લગભગ 2 તૃત્યાંશ કોરોના સંક્રમિત લોકો ઘરે ક્વોરેન્ટાઈન છે. જેનાથી બાળકો સંક્રમિત થવાની સંભાવના વ્યક્ત કરાઈ છે.