ઇન્ડિયન પ્રીમિયર લીગ 2021 કોરોના વાયરસના કારણે રદ્દ કરી દેવામાં આવી હતી અને હાલમાં એક વીડિયો વાયરલ થઇ રહ્યો છે જેમાં ધોની જાડેનાની તલવારબાજીની નકલ કરતો દેખાઇ રહ્યો છે.
રવિન્દ્ર સિંહ જાડેજાની કરી નકલ
ધોની ફેરવી રહ્યો હતો તલવાર
વીડિયો થઇ ગયો ટ્વિટર પર વાયરલ
2021માં 29 મૅચ રમાઇ હતી અને ચેન્નઇ સુપર કિંગ્સનું પ્રદર્શન શાનદાર રહ્યું હતુ. ટુર્નામેન્ટ રદ્દ થયા બાદ ટ્વિટર હેન્ડલ પર કેટલાક અનસીન વીડિયોઝ વારયલ થઇ રહ્યાં છે જેમાં ધોનીનો પણ એક વીડિયો વાયરલ થઇ રહ્યો છે. આ વીડિયોમાં ધોની રવિન્દ્ર સિંહ જાડેજાની તલવારબાજીની નકલ કરતો દેખાઇ રહ્યો છે.
રવિન્દ્ર સિંહ જાડેજાની જેમ જ ધોની પ્રયત્ન કરી રહ્યો છે કે તે તલવાર ફેરવી શકે. તમને જણાવી દઇએ કે અર્ધશતક કે શતક થયા બાદ રવિન્દ્ર બેટને તલવારની જેમ ફેરવે છે અને આ સ્ટાઇલ દુનિયાભરમાં ફેમસ છે.
— Chennai Super Kings - Mask P😷du Whistle P🥳du! (@ChennaiIPL) May 16, 2021
જાડેજાનું શાનદાર પ્રદર્શન
તમને જણાવી દઇએ કે, ચેન્નઇ સુપરકિંગ્ઝના સારા પ્રદર્શનમાં રવિન્દ્ર સિંહ જાડેજાનું મહત્વનું યોગદાન રહ્યું હતુ. આંગળી પર થયેલી ઇજા બાદ પણ તેણે બોલ અને બેટથી મેદાનમાં તહેલકો મચાવ્યો હતો. આઇપીએલ 2021ની મેચમાં 7 મેચમાં 131ની ઔસતથી 131 રન બનાવ્યા હતા. એક મેચમાં અર્ધશતક પણ લગાવ્યું હતુ. અન્ય એક મેચમાં 4 કેચ પકડવાનું કારનામુ પણ કરી બતાવ્યું હતુ.
આઇપીએલની એક મેચમાં રવિન્દ્ર થઇ ખરાબ રીતે ટ્રોલ થઇ ગયો હતો. જે બાદ ફેન્સે તેને ટ્વિટર પર ઘણી ખરીખોટી સંભળાવી હતી.
શું હતો સમગ્ર મામલો
16મી ઓવરના પહેલા બોલ પર રવિન્દ્ર જાડેજાએ સિંગલ લીધા બાદ બીજ રન લેવાનો પ્રયત્ન કર્યો હતો પરંતુ જાડેજા અડધે રસ્તે જ રેનાને પાછુ જવાનો ઇશારો કર્યો. રેના પોતાની ક્રિઝથી આગળ નીકળી ગયો હતો એટલામાં જ ક્રિસ વોક્સે વિકેટ કીપર ઋષભ પંત તરફ થ્રો કરી દીધુ અને રેનાને આઉટ કરી દીધો હતો.
ફેન્સે રવિન્દ્રને જવાબદાર ઠેરવ્યો
ટ્વિટર પર ફેન્સ રવિન્દ્ર જાડેજાને સુરેશ રેનાના રનઆઉટ માટે જવાબદાર ઠેરવી રહ્યા છે. જાડેજાને ઘણો ટ્રોલ કરવામાં આવી રહ્યો છે. ફેન્સનુ માનવુ છે કે જો રેના આઉટ ન થાત તો ચેન્નઇ સુપર કિંગ્સ 200 રનનો સ્કોર બનાવી દેત. સુરેશ રેનાએ 36 બોલમાં શાનદાર 54 રન બનાવ્યા હતા. તેણે 3 ચોગ્ગા અને 4 છગ્ગા લગાવ્યા હતા પરંતુ તેની ઇનીંગનો દુઃખદ અંત આવ્યો હતો. ચેન્નઇએ દિલ્હીને 189 રનનો લક્ષ્ય આપ્યો હતો. શિખર ધવન અને પૃથ્વી શોએ મેચ જીતવામાં શાનદાર ફાળો આપ્યો હતો.