અમદાવાદ / સોલા સિવિલમાં વીજળી ગૂલ! અડધી કલાક સુધી છવાયો અંધારપટ, ઓપરેશન થિયેટરમાં AC બંધ થતાં દર્દી પરેશાન

• સોલા સિવિલ હોસ્પિટલમાં વીજળી ગૂલ
• અડધો કલાકથી છે સોલા સિવિલમાં અંધારપટ
• ઈમરજન્સી વિભાગમાં પણ અંધારપટ 

અમદાવાદની સોલા સિવિલ હોસ્પિટલમાં વીજળી ગૂલ થઈ જતાં દર્દીઓને ભારે હાલાકી ભોગવવાનો વારો આવ્યો છે. આજે બપોરના સમયે સોલા સિવિલમાં લાઇટ ન હોવાના કારણે ઇમરજન્સીમાં આવતા દર્દીઓ પરેશાન થઈ રહ્યા છે. જોકે વીજળી જવાનું કોઈ ચોક્કસ કારણ હજી સામે આવ્યું નથી. 

સોલા સિવિલમાં દરરોજ હજારો દર્દીઓ આવે છે 

અમદાવાદ સ્થિત સોલા સિવિલમાં રોજના હજારો દર્દીઓ સારવાર માટે આવતા હોય છે. જોકે આજે બપોરના સમયે લાઇટ ગૂલ થતાં દર્દીઓને હેરાન થવાનો વારો આવ્યો હતો. સોલા સિવિલમાં અડધો કલાકથી લાઈટ ન હોવાથી દર્દીઓ પરેશાન થઈ રહ્યા છે. 

ઈમરજન્સી ટ્રોમા સેન્ટરમાં પણ લાઈટ ગૂલ

સોલા સિવિલમાં અડધો કલાકથી લાઇટ ન હોવાના કારણે દર્દીને હાલાકી ભોગવવી પડી રહી છે. આ સાથે ઈમરજન્સી ટ્રોમા સેન્ટરમાં પણ લાઈટ ગૂલ થઈ જતાં ઇમરજન્સીમાં આવતા દર્દીઓ પરેશાન થઈ રહ્યા છે. તો ઓપરેશન થિયેટરમાં AC બંધ થતાં ડોક્ટરો અને દર્દીઓ પરેશાન બન્યા છે.