આફત / છત્તીસગઢ: ખેતરમાં કામ કરી રહેલા 11 મજૂરો પર પડી વિજળી, 5 મહિલાઓના થયાં મોત

• છત્તીસગઢમાં આકાશીય આફત આવી
• ખેતરમાં કામ કરતા મજૂરો પર પડી વિજળી
• પાંચ મહિલાઓના મોત, 6 મહિલા ઘાયલ

છત્તીસગઢના મહાસમુંદ જિલ્લામાંથી એક આઘાતજનક સમાચાર આવ્યા છે. અહીં ખેતરમાં કામ કરી રહેલા 11 મજૂરો પર આકાશીય વિજળી પડી હતી. જેમાં 5 મહિલાઓના ઘટનાસ્થળે મોત થઈ ગયા છે અને 6 જણા દાઝી ગયા છે. આ તમામ મજૂર મહિલાઓ હતી. ઘટનાની જાણ થતાં ડાયલ 112, એમ્બ્યુલન્સ 108 સહિત પોલીસ ફોર્સ ઘટનાસ્થળે પહોંચી હતી. તમામને સામૂહિક આરોગ્ય કેન્દ્ર સરાયપાલી લઈ જવામાં આવ્યા હતા. આ દરમિયાન વિજળી પડવાથી 5 લોકોના અસામયિક મોતને લઈને મુખ્યમંત્રી ભૂપેશ બઘેલે પણ સંવેદના વ્યક્ત કરી છે.

5 women killed, 6 injured after being struck by lightning in village in Chhattisgarh's Mahasamund district: Police

— Press Trust of India (@PTI_News) July 29, 2022

હકીકતમાં જોઈએ તો, આ દુર્ઘટના મહાસમુંદ જિલ્લાના સરાયપાલી બ્લોકના ઘાટકછર ગામમાં થઈ હતી. જ્યાં સીએમે આ ઘટના પર ચિંતા વ્યક્ત કરતા મૃતકોના પરિજનોને 4-4 લાખ રૂપિયા આપવાની જાહેરાત કરી છે. તેની સાથે ઘાયલ લોકોને યોગ્ય સારવાર અને સુવિધા આપવાના પણ નિર્દેશ આપ્યા છે. સાથે જ ઘટનાને લઈને સિંઘોડા પોલીસમાં ફરિયાદ પણ નોંધાઈ છે અને આગળની કાર્યવાહી થઈ રહી છે. 

આકાશીય વિજળી પડવાથી 5ના મોત, 6 ઘાયલ

મહાસમુંદ જિલ્લાના આ ગામમાં ખેતરમાં કામ કરી રહેલા 11 મજૂરો પર આકાશીય વિજળી પડી  હતી. જેમાં 11 મહિલાઓમાંથી પાંચના મોત થઈ ગયા છે અને 6 મહિલા ગંભીર રીતે ઘાયલ થઈ હતી.