વરસાદ દરમિયાન વીજળી પડવાની અનેક ઘટનાઓ પ્રકાશમાં આવી છે પરંતુ ગુરૂગ્રામમાં એક ચોંકાવનારી ઘટના સામે આવી છે.
ગુરૂગ્રામમાં ઝાડ ઉપર વીજળી પડતા 3 લોકો દાઝ્યા
સમગ્ર ઘટનાનો વીડિયો થયો વાયરલ
દિલ્હી સહિત આસપાસના વિસ્તારોમાં વરસાદની હવામાન વિભાગે કરી છે આગાહી
ઉલ્લેખનીય છે કે, ગુરૂગ્રામ સ્થિત એક ઝાડ નીચે ઉભેલા લોકો પર વીજળી પડતા તેઓ ગંભીર રીતે ઘાયલ થયાં હતા અને આ સમગ્ર ઘટનાનો વીડિયો સામે આવ્યો છે.
અચાનક ઝાડ પર પડી વીજળી
આ ઘટના ગુરૂગ્રામના સેક્ટર-82ની વાટીકા સોસાયટીની છે, જ્યાં આકાશમાથી વીજળી પડતા મોટી હોનારત સર્જાઇ હતી અને 4 લોકો ગંભીર રીતે દાઝી ગયા હતા. આ ચારેય પૈકી 3 લોકો સિગ્નેચર બિલાજ સોસાયટીમાં કામ કરનાર કર્મચારીઓ હતા. જેમને તાત્કાલિક અસરથી નજીકના દવાખાને સારવાર અર્થે ખસેડવામાં આવ્યા છે. તો એક સુપરવાઇઝર પર આ ઘટનામાં ઘાયલ થયો હતો.
આ ઘટનાનો વીડિયો સામે આવ્યો છે જેમાં સોસાયટીમાં ભારે વરસાદ પડી રહ્યો છે. વરસાદથી બચવા માટે કેટલાક લોકો ઝાડ નીચે ઉભા છે. ત્યારે અચાનક આકાશમાંથી વીજળી પડી અને ઝાડ નીચે ઉભેલા લોકો પર પડી. આકાશમાં વીજળી પડતા જ હાજર તમામ લોકો ત્યાં પડી જાય છે.
હવામાન વિભાગે કરી છે આગાહી
આપને જણાવી દઇએ કે, દેશની રાજધાની, દિલ્હી અને આજુબાજુના વિસ્તારોમાં શુક્રવારે સવારની શરૂઆત વરસાદ સાથે થઈ હતી. દિલ્હી, નોઈડા, ગાઝિયાબાદ અને ગુરુગ્રામ સહિત એનસીઆરના ઘણા વિસ્તારોમાં વરસાદ થયો છે. વાદળા અને વરસાદને કારણે સવારે અંધકાર છવાયો હતો, જેના કારણે લોકોને તેમના વાહનોની લાઇટ ચાલુ કરીને ઘરની બહાર નીકળવું પડ્યું હતું. ભારતીય હવામાન વિભાગે પણ 12 માર્ચે દિલ્હીમાં કરા પડવાની આગાહી કરી છે. આનો અર્થ એ થયો કે દિલ્હી-એનસીઆરમાં દિવસે વરસાદ થશે અને કેટલાક સ્થળોએ કરા કરા પડી શકે છે. તમને જણાવી દઇએ કે આઇએમડીએ પહેલાથી જ આગાહી કરી હતી કે ગરમીને કારણે 24 કલાકમાં પવનની ગતિમાં વધારો થતાં વરસાદ વધી શકે છે.