હવે લાઈટ બિલમાં વધારો થવા જઈ રહ્યો છે. ગુજરાત ઉર્જા વિકાસ નિગમ લિમિટેડની જાણકારી અનુસાર દરેક યુનિટ પર લાગતા ફયુલ સરચાર્જમાં 42 પૈસાનો વધારો કરવામાં આવશે.
લાઈટ બિલમાં હવે થશે વધારો
મે અને જૂનમાં દરેક યુનિટ પર લગતા ફયુલ સરચાર્જમાં 42 પૈસાનો વધારો
મે અને જૂનમાં 2 રૂપિયા અને 62 પૈસા સરચાર્જ લાગશે
લાઈટ બિલમાં હવે થશે વધારો
ગરમીમાં હવે મોંઘવારી વધવા જઈ રહી છે. ઉનાળામાં સામાન્ય રીતે આપણે એસી, ફેનનો વધારે પ્રમાણમાં ઉપયોગ કરતા હોઈએ છીએ. આવામાં હવે એક માઠા સમાચાર સામે આવ્યા છે. હવે આખા ગુજરાતનું લાઈટ બિલ વધવાનું છે.
ગુજરાત ઉર્જા વિકાસ નિગમ લિમિટેડે આપી જાણકારી
સામાન્ય રીતે આપણે જેટલા યુનિટ વિજળીનો વપરાશ કરીએ છીએ, તે દરેક યુનિટ પર ફયુલ સરચાર્જ લાગે છે. હવે ગુજરાત ઉર્જા વિકાસ નિગમ લિમિટેડે જાણ કરી છે કે દરેક યુનિટ પર લાગતા ફયુલ સરચાર્જમાં મે અને જૂનનાં લાઈટબિલમાં 42 પૈસાનો વધારો થશે.
કેટલું લાગશે પર યુનિટ સરછાર્જ?
ગયા વર્ષે દરેક યુનિટ પર 1 રૂપિયા 80 પૈસા સરચાર્જ લાગતું હતું.ત્યાર બાદ તે વધીને એક યુનિટ પર 2 રૂપિયા ને 20 પૈસા સરચાર્જ લાગતું હતું અને હવે તેમાં 42 પૈસાનો વધારો થતા 2 રૂપિયા અને 62 પૈસા સરચાર્જ થયું છે.
બિલમાં કેટલો ફરક પડશે?
સામાન્ય રીતે બે મહિનાનું લાઈટ બિલ સામાન્ય ઘરમાં 4200 રૂપિયા આવે છે. તો આવામાં બે મહિનાનો સરેરાશ વિજળી વપરાશ 600 યુનિટ થાય છે. તો હવે 42 પૈસા પર યુનિટ સરચાર્જ વધતા 252 રૂપિયા બિલ વધારે આવી શકે છે, એટલે કે 4200 લાઈટ બિલ જો આવતું હોય, તો એ 4452 રૂપિયા થઇ જશે.