ભૂલનું પરિણામ / ચા બનાવતી વખતે લાઇટ ગઈ, ચા-પત્તીની જગ્યાએ નાંખી દીધી ઉંદર મારવાની દવા, પિતા-પુત્રની હાલત ખરાબ

• ઉત્તર પ્રદેશનાં ચંદૌલીમાં યુવતીની ભૂલના કારણે પરિવારના સભ્યો હોસ્પિટલમાં
• યુવતિએ ભૂલથી ચા ની અંદર નાંખી ઉંદર મારવાની દવા
• ચા પીધા બાદ પરિવારના સભ્યોની હાલત ખરાબ થતા સારવાર અર્થે ખસેડાયા

 યુપીના ચંદૌલીમાં ઘટના બનવા પામી છે. જેમાં યુવતી ચા બનાવી રહી હતી ત્યારે અચાનક લાઈટ જતી રહેતા ચાપત્તીની જગ્યાએ ભૂલથી યુવતિએ ચા ની અંદર ઉંદર મારવાની દવા નાંખી દીધી હતી. ત્યારે યુવતિએ તે ચા પરિવારજનોને પીવડાવતા પરિવારજનોની હાલત ખરાબ થઈ જવા પામી હતી. જેથી તેઓને તાત્કાલીક સારવાર અર્થે હોસ્પિટલ ખસેડવામાં આવ્યા હતા. જ્યાં હાલમાં તેઓની સારવાર ચાલી રહી છે અને ત્રણેય લોકોની હાલત હાલ સુધારા પર છે.

ઉત્તર પ્રદેશને ચંદ્રૌલીમાં એક યુવતિએ ભૂલથી ચા બનાવતી વખતે દૂધમાં ચાપત્તીની જગ્યાએ ઉંદર મારવાની દવા નાંખી દીધી હતી. જાણવા મળતી માહિતી મુજબ ચા બનાવતી વખતે અચાનક લાઈટ જતી રહી હતી. જેના લીધે આ ઘટના બની હોવાનુ જણાવ્યું હતું. જે ચા બાદમાં પરિવારના ત્રણ સભ્યોએ પીતા તેઓની હાલત ખરાબ થઈ જવા પામી હતી અને તેઓને તાત્કાલીક જીલ્લા હોસ્પિટલ ખાતે ખસેડવામાં આવ્યા હતા. જ્યાં હાલમાં તેઓની સારવાર ચાલી રહી છે.

ચંદ્રૌલી ખાતે આવેલ કાશીરામ આવાસ યોજનામાં રાજધાની કુમાર નામના એક શખ્સનું પરિવાર રહે છે. મંગળવાર સાંજે 7 વાગ્યે રાજધાની કુમારની દિકરી ચા બનાવી રહી હતી.
જાણવા મળતી માહિતી મુજબ ચૂલ્હા પર દૂધ અને પાણી ઉકળતું હતું. એ સમય દરમ્યાન લાઈટ જતી રહી હતી. જે બાદ રસોડામાં ચાપત્તીના પાઉચની પાસે જ ઉંદર મારવાની દવાનું પાઉચ પણ મૂકવામાં આવેલ હતું. ચા બનાવનાર યુવતિએ ચાપત્તી સમજી ઉંદર મારવાની દવા ઉકળતા દૂધ અને પાણીમાં નાંખી દીધી હતી.

ચા પીધા બાદ હાલત ખરાબ થઈ
રાજધાની કુમાર અને તેમના બે દિકરાઓએ ચા પીધી હતી. ચા પીધા પછી થોડા સમય બાદ તેઓની હાલત ખરાબ થઈ જવા પામી હતી. ત્રણેય વ્યક્તિઓની હાલત ખરાબ થતા આજુબાજુમાંથી લોકો તરત આવી પહોચ્યા હતા અને તેઓને સારવાર અર્થે જીલ્લા હોસ્પિટલ ખાતે ખસેડવામાં આવ્યા હતા.

સારવાર આપ્યા બાદ તેઓની હાલત સારી છેઃ મેડીકલ ઓફીસર
ચંદૌલીનાં ઈમરજન્સી મેડીકલ ઓફીસર ર્ડા.સંજય કુમારે જણાવ્યું કે રાતે 9 વાગ્યે હોસ્પિટલમાં ત્રણ વ્યક્તિઓને લાવવામાં આવ્યા હતા. જેમાં પિતા અને બે પુત્ર હતા. જેમણે ઉંદર મારવાની દવા નાંખેલી ચા પીધી હતી. ત્યારે તેઓને હોસ્પિટલ લાવવામાં આવ્યા ત્યારે તેઓની હાલત સારી ન હતી. પરંતું સારવાર આપ્યા બાદ હાલ તેઓની હાલત સારી છે.