મનોરંજન / વિજય દેવરકોંડા પણ બોલિવૂડની લાજ બચાવવામાં નાકામ, 6 દિવસ બાદ કલેક્શન જાણી ચોંકી જશો

• ફિલ્મ લાઈગરથી કર્યો છે વિજય દેવરકોંડાએ બોલીવુડ ડેબ્યૂ 
• ફિલ્મનું બોક્સ ઓફીસ પર ખરાબ પ્રદર્શન 
• ફિલ્મનું શરૂઆતનું કલેક્શન સારું રહ્યું છે 

સાઉથ ઇન્ડિયન ફિલ્મ ઇન્ડસ્ટ્રીથી બોલીવુડમાં પગલું મુકનાર વિજય દેવરકોંડાની બહુચર્ચિત ફિલ્મની પણ એ જ હાલત થઈ, જે બોલીવુડની પાછળની ફિલ્મોની થઇ રહી છે. વિજય દેવરકોંડા પોતાની ફિલ્મ લાઈગરને લઈને ઘણા એક્સાઈટેડ હતા. પરંતુ તેમની આ ફિલ્મ પરદા પર ઊંધા મોં પડી છે. લાલ સિંહ ચઢ્ઢા અને રક્ષા બંધનની જેમ જ લાઈગર પણ બોક્સ ઓફીસ પર ફ્લોપ સાબિત થઇ છે. તમને જાણીને નવાઈ લાગશે કે ફિલ્મને રીલીઝ થયે અઠવાડિયું થશે અને આ ફિલ્મ અત્યારે 50 કરોડનો આંકડો પણ પાર નથી કરી શકી. 

છ દિવસમાં ન કમાઈ શકી 50 કરોડ 
વિજય દેવરકોંડા, અનન્યા પાંડે સ્ટારર ફિલ્મ લાઈગરને દર્શકોએ નકારી છે. આ ફિલ્મ માટે વિજય દેવરકોંડાએ ખૂબ જ મહેનત કરી હતી. પણ તેમની આ મહેનત લાગે છે કે લોકોને ખાસ પસંદ ન પડી. લગભગ 125 કરોડના બજેટમાં બનેલ આ ફિલ્મ લાઈગર છ દિવસમાં 50 કરોડનો આંકડો પણ પાર નથી કરી શકી. 

ફ્લોપ થઇ વિજયની ડેબ્યૂ ફિલ્મ 
જણાવી દઈએ કે ફિલ્મ લાઈગરથી વિજય દેવરકોંડાએ પોતાનો બોલીવુડ ડેબ્યૂ કર્યો છે. પરંતુ એક્ટરનો આ ડેબ્યૂ ફ્લોપ થઇ ગયો છે. આ ફિલ્મમાં બાહુબલી એક્ટ્રેસ રામ્યા કૃષ્ણને પણ મુખ્ય રોલ નિભાવ્યો છે, પણ તેમની એક્ટિંગ પણ આ ફિલ્મને ન બચાવી શકી. આ પેન ઇન્ડિયા ફિલ્મ પૂરી જગન્નાથે ડાયરેક્ટ કરી છે એ ફિલ્મને ધર્મા પ્રોડક્શનનાં બેનર હેઠળ બનાવવામાં આવી છે. 

શરૂઆત હતી સારી 
ફિલ્મના કલેક્શનની વાત કરીએ તો પાંચમા દિવસે લાઈગરે લગભગ 2.50 કરોડણો બીઝનેસ કર્યો છે અને તમને જાણીને નવાઈ લાગશે કે છઠ્ઠા દિવસે ફિલ્મની કમાણી તો 2 કરોડ કરતા પણ ઓછી રહી છે. જણાવી દઈએ કે લાઈગરની શરૂઆત તો સારી રહી હતી પણ પહેલા દિવસ પછીથી ફિલ્મનો બીઝનેસ ઘટતો જ જઇ રહ્યો છે.