ફ્લોપ / લાઇગર' 7 દિવસમાં જ મહાફ્લૉપ, નુકસાન પર ભડક્યા ડિસ્ટ્રીબ્યૂટર્સ, ડાયરેક્ટરે કરવું પડ્યું આ કામ

• ફિલ્મ લાઈગર બૉક્સ ઓફિસ પર ફ્લોપ સાબિત થઇ
• 7 દિવસમાં બોક્સ ઑફિસમાં કોઈ જાદુ ચલાવી શકી નથી
• બૉક્સ ઑફિસ પર 39.08 કરોડ રૂપિયાની કમાણી કરી

લાઈગરના ડાયરેક્ટર્સ પૈસા પાછા આપશે 

જાણીતી વેબસાઈટના રિપોર્ટ મુજબ, લાઈગરમાં પૈસા રોકાણ કરનારા ડિસ્ટ્રીબ્યુટર્સ ખૂબ ગુસ્સામાં છે. એક વિતરકે તો વાતચીતમાં એવુ પણ કહ્યું કે તેમણે લાઈગરમાં 60 ટકાનુ રોકાણ કર્યુ. પરંતુ તેનુ બધુ બરબાદ થઇ ગયુ. હવે આ અહેવાલો વચ્ચે એવી વાત સામે આવી રહી છે કે લાઈગરના ડાયરેક્ટર પુરી જગન્નાથે ડિસ્ટ્રીબ્યુટર્સને થયેલા મોટા નુકસાનની ભરપાઈ કરવાનો નિર્ણય કર્યો છે. પુરી જગન્નાથ જે સાઉથના મોટા નિર્દેશકોમાં સમાવેશ થાય છે, તેમણે નુકસાનની ભરપાઈ કરવાનો નિર્ણય કર્યો છે.

લાઈગરનુ મેગા બજેટ 

કરણ જોહરના ધર્મા પ્રોડક્શન અને પુરી જગન્નાથના પુરી કનેક્ટ્સના બેનર હેઠળ લાઈગરને બનાવવામાં આવી છે. જેના દ્વારા વિજય દેવરકોંડાએ બોલીવુડમાં પણ ડેબ્યુ કર્યુ. આ ફિલ્મને બનાવવામાં આશરે 175 કરોડ રૂપિયા ખર્ચ કરવામાં આવ્યાં. બોક્સ ઑફિસ પર આ ફિલ્મ ખર્ચ પણ વસૂલ કરી શકી નથી. 

બૉક્સ ઑફિસ પર લાઈગરનુ નિકળ્યું તેલ 

લાઈગરને ઘણી ભાષાઓમાં રીલીઝ કરવામાં આવી છે. લાઈગરે 7 દિવસમાં બૉક્સ ઑફિસ પર 39.08 કરોડ રૂપિયાની કમાણી કરી છે. જ્યારે હિન્દીમાં આ ફિલ્મે માત્ર 16.8 કરોડ રૂપિયાનુ કલેક્શન કર્યુ છે. કુલ મળીને લાઈગરનુ આ ગણિત એ છે કે આ 7 દિવસમાં 40 કરોડ રૂપિયા પણ કલેક્ટ કરી શકી નથી.