સોશ્યલ મિડીયા પર રોજ કેટલાક વીડિયો વાયરલ થતા રહે છે. આજે એક વીડિયો વાયરલ થયો છે જેમાં એક વરરાજા નવી દુલ્હનને તેડીને નદી પાર કરાવી રહ્યો છે.
કિશનગંજ જિલ્લાનો ચર્ચિત કિસ્સો
લગ્ન કરીને ઘરે આવતી હતી જાન
દુલ્હનને ઉચકીને ચાલવા લાગ્યો વરરાજા
શું છે મામલો
આ ઘટના કિશનગંજ જિલ્લાની છે જેમાં કનકઇ નદીમાં આ વરરાજા તેની પત્નીને ખભા પર ઉચકીને નદી પાર કરાવી રહ્યો છે. આ વીડિયો સોશ્યલ મિડીયા પર ધૂમ મચાવી રહ્યો છે. પલસા ઘાટનો આ વીડિયો લોકોએ લાખો વાર જોયો છે.
શનિવારે શિવા કુમાર સિંહ લોહાગાડા ગામથી જાન લઇને પલસા ગામ ગયા હતા. બીજા દિવસે લગ્ન કરીને જ્યારે ઘરે પરત ફર્યા ત્યારે હોડીમાં બેસીને અડધી નદી પાર કરી પરંતુ આગળ જઇ શકાય તેમ નહોતું. બાદમાં વરરાજાએ દુલ્હનને ખભે ઉચકી લીધી અને નદી પાર કરવા લાગ્યો હતો.
આ ઘટનાનો વીડિયો બનાવીને લોકોએ સોશ્યલ મિડીયા પર અપલોડ કર્યો અને જોત જોતામાં તો વીડિયો વાયરલ થઇ ગયો હતો. આ વીડિયો વાયરલ થતા જ પંથકમાં ચર્ચા થવા લાગી હતી.
તમને જણાવી દઇએ કે, પલસા ભારતનું સીમાવર્તી ગામ છે. જે બાદ નેપાળ દેશ છે જેના કારણે કનકઇ નદી પર પુલ બનાવી શક્યા નથી. 6 મહિના હોડીથી આવનજાવન કરવુ પડે છે.
આ પહેલા પણ આવા ઘણા કિસ્સા સામે આવ્યા છે જ્યાં વરરાજાએ પોતાની દુલ્હનને ઉચકીને નદી પાર કરાવી હોય અથવા તો સમજદારી બતાવી હોય.