કામની વાત / તમારું PANCARD બનશે સંકટમોચક, આ રીતે મળશે રૂ. 5 લાખ સુધીની લોન, બસ આટલું ધ્યાન રાખજો

Last Updated: 11:45 AM, 12 May 2025

FOLLOW ON

શેર કરો

પાન કાર્ડ માત્ર ઓળખપત્ર નહીં, પરંતુ આર્થિક સહાયનું સશક્ત સાધન બની ગયું છે. જાણો કેવી રીતે પાન કાર્ડના આધારે તમે સરળતાથી 5 લાખ રૂપિયાની લોન મેળવી શકો છો.

શું તમને ખબર છે કે પાન કાર્ડથી તમે 5 લાખ રૂપિયા સુધીની લોન મેળવી શકો છો? આજના સમયમાં પાન કાર્ડ માત્ર ઓળખપત્ર જ નહીં પણ નાણાંકીય વ્યવહારો માટે વિશ્વાસપાત્ર દસ્તાવેજ બની ગયો છે. પરંતુ જો તમે પાન કાર્ડથી લોન લેવાની યોજના બનાવી રહ્યા છો, તો તમારું પાન અને આધાર કાર્ડ એકબીજા સાથે લિંક થયેલું હોવું જરૂરી છે.

જો બંને લિંક ન હોય તો લોનની પ્રક્રિયામાં વિલંબ થઈ શકે છે. આવો જાણીએ કે આ લોન માટે કયા-કયા દસ્તાવેજોની જરૂર પડે છે અને તે માટે કેવી રીતે અરજી કરવી જોઈએ?

લોન માટે જરૂરી દસ્તાવેજો

લોન માટે ઓળખપત્ર તરીકે આધાર કાર્ડ, પાસપોર્ટ, ડ્રાઈવિંગ લાઈસન્સ અથવા મતદાર ઓળખપત્રની નકલ જરૂરી રહેશે. આ સાથે છેલ્લા ત્રણ મહિનાનું બેંક સ્ટેટમેન્ટ અને છેલ્લા બે મહિનાની પગાર સ્લીપ અથવા પગાર પ્રમાણપત્ર હોવું જોઈએ. તમે આ લોન માટે ઓનલાઈન અરજી કરી શકો છો.

તમારે લોન માટે ફોર્મમાં બેઝિક માહિતી ભરવી પડશે અને e-KYC પ્રક્રિયા પાન કાર્ડ મારફતે પૂર્ણ કરવી પડશે. આ રીતે તમે લોન મેળવી શકો છો, જેને તમે જરૂરી પરિસ્થિતિમાં ઉપયોગમાં લઈ શકો છો. લોન ભરી આપવા માટે EMIની સગવડ મળે છે. લોન ભરવાની અવધિ 6 મહિનાથી લઇને 96 મહિના સુધીની હોઈ શકે છે.

લોન માટે અરજી કેવી રીતે કરવી?

સૌપ્રથમ એવી બેંક અથવા નોન-બેંકિંગ ફાઈનાન્સ કંપની (NBFC) પસંદ કરો કે જે પાન કાર્ડના આધારે પર્સનલ લોન આપે.
ત્યારબાદ તેનો વ્યાજ દર, લોનની રકમ અને શરતો વાંચો.
પછી બેંકની વેબસાઇટ પર જઈને "Apply Now" બટન પર ક્લિક કરો.
તમારો મોબાઈલ નંબર અને OTP નાખો. ત્યારબાદ અરજી ફોર્મમાં પાન નંબર, જન્મ તારીખ અને પિનકોડ લખો.
હવે "Proceed" પર ક્લિક કરો અને લોનની રકમ તથા પ્રકાર પસંદ કરો.
પછી લોનની અવધિ પસંદ કરો અને KYC વિગતો ભર્યા બાદ ફોર્મ સબમિટ કરો.