ટેકનોલોજી / 64MP કેમેરા, ટ્રિપલ રિયર કેમેરા સેટઅપ, દમદાર ફીચર્સ સાથે લૉન્ચ થશે આ મોબાઇલ, જાણો વિશેષતા

Acer Upcoming Phone: ભારતીય બજારમાં બે બ્રાન્ડ રી-એન્ટ્રી કરી રહી છે. એસર અને અલ્કાટેલ ભારતમાં તેમના નવીનતમ સ્માર્ટફોન લોન્ચ કરી રહ્યા છે, જે દમદાર ફીચર્સ સાથે આવશે. એસરના સ્માર્ટફોનમાં 64MP પ્રાઇમરી લેન્સ સાથે ટ્રિપલ રીઅર કેમેરા સેટઅપ આપી શકાય છે. ફોનમાં એક સર્કુલર રીઅર કેમેરા મોડ્યુલ ઉપલબ્ધ હશે. આવો વધુ ડિટેલ્સ જાણીએ.

એસર ભારતીય બજારમાં ફરી એન્ટ્રી કરી રહ્યું છે. આ બ્રાન્ડને ઇન્ડકલ ટેકનોલોજી દ્વારા ભારતમાં લાવવામાં આવી રહી છે. બ્રાન્ડનો નવો ફોન 15 એપ્રિલે એટલે કે આજે લોન્ચ થશે, જેમાં દમદાર ફીચર્સ હશે. જોકે કંપની ઘણા સમય પહેલા પોતાનો ફોન લોન્ચ કરવાની હતી, પરંતુ કેટલાક કારણોસર સ્માર્ટફોનના લોન્ચમાં વિલંબ થયો છે.

કંપની ભારતમાં બે નવા સ્માર્ટફોન લોન્ચ કરી રહી છે, જે ફક્ત એમેઝોન પર ઉપલબ્ધ થશે. કંપનીએ હજુ સુધી સ્માર્ટફોનના ફીચર્સ અંગે કોઈ ચોક્કસ માહિતી આપી નથી. જોકે બ્રાન્ડે ચોક્કસપણે આ ફોનને ટીઝ કર્યો છે, જેના પરથી આગામી હેન્ડસેટની ડિઝાઇનનો અંદાજ લગાવી શકાય છે.

શું હશે સ્પેસિફિકેશન્સ ?

Gizmochinaના રિપોર્ટ અનુસાર આ સ્માર્ટફોન 5G સપોર્ટ સાથે આવશે. તેમાં ટ્રિપલ રીઅર કેમેરા સેટઅપ હશે, જેનો પ્રાઇમરી લેન્સ 64MPનો હશે. આ સોનીનો સેન્સર હોઈ શકે છે. ફોનમાં અલ્ટ્રા વાઇડ એંગલ લેન્સ અને મેક્રો અથવા ડેપ્થ સેન્સર પણ આપવામાં આવશે. કંપની જે બજેટમાં નવો ફોન લોન્ચ કરી રહી છે, તેમાં અન્ય બ્રાન્ડ્સ આવા કેમેરા કોન્ફિગ્રેશન આપતી નથી.

પ્રીમિયમ શ્રેણીમાં ઘણી બ્રાન્ડ્સ સ્માર્ટફોનમાં પણ ડ્યુઅલ કેમેરા લેન્સ ઓફર કરી રહી છે. Acer ટ્રિપલ રીઅર કેમેરા સેટઅપ સાથે આવશે. આ ફોનમાં એઆઇ આધારિત ફોટો એન્હાન્સમેન્ટ ફીચર હશે, જે અવાજ ઘટાડવા, એજ ડિટેક્શન, વીવીડ કલર ટ્યુનિંગમાં મદદ કરશે.

આ પણ વાંચોઃ ટેક્નોલોજી / ACમાંથી નીકળેલા પાણીને નકામું ના સમજતા, કારણ કે ફાયદો જાણશો તો ચોંકી જશો

કંપની બજેટ યૂજર્સને લક્ષ્ય બનાવશે

સ્માર્ટફોનમાં એક સર્કુલર કેમેરા મોડ્યુલ ઉપલબ્ધ હશે. કંપનીએ હજુ સુધી ફોનની ડિઝાઇન વિશે કોઈ માહિતી આપી નથી. જોકે કંપની બજેટ યૂજર્સને લક્ષ્ય બનાવી શકે છે. એસર સ્માર્ટફોન શક્તિશાળી પ્રોસેસર, મોટી બેટરી અને ડિસ્પ્લે સાથે આવી શકે છે, જે બ્રાન્ડને કંપટીશનથી પોતાને અલગ પાડવામાં મદદ કરશે.

તમને જણાવી દઈએ કે ઇન્ડકલ ટેકનોલોજી ભારતમાં એસર બ્રાન્ડના સ્માર્ટફોન લાવી રહી છે. કંપની પાસે ભારતમાં એસર બ્રાન્ડનો ઉપયોગ કરવાનો એક્સક્લૂસિવ રાઇટ છે. ઇન્ડકલ ટેકનોલોજી ભારતમાં બ્રાન્ડના ઉપકરણોનું ઉત્પાદન, ડિઝાઇન અને વિતરણ કરશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ