ટેક્નોલોજી / કાર લોન ચૂકવાઇ ગઇ? તો આ કામ ભૂલથી પણ ભૂલતા નહીં, નહીંતર હેરાન થઇ જશો!

ગાડીની લોન લેતાં જ તમારે કેટલાક નિયમોની જાણકારી રાખવી જોઈએ. ગાડી ખરીદ્યા પછી કેટલાક નવા નિયમો લાગુ થઈ જાય છે. જો તમે લોનની સંપૂર્ણ ચુકવણી કરી દીધી હોય, તો પણ તમારે એક મહત્વનું કામ કરવું પડે છે. એ કર્યા પછી જ તમારી ગાડી પર સંપૂર્ણ માલિકી હક આવશે. લોન ભરાય ત્યાં સુધી ગાડીની RC બુક પર HP હોય છે, એટલે કે તેમાં તમારું નામ અને બેંકનું નામ એકસાથે હોય છે.

ઓનલાઇન એપ્લિકેશન સબમિટ કરવી જરૂરી

ગાડી ચલાવતી વખતે આ બાબતનો તાત્કાલિક કોઈ પ્રશ્ન ઉભો થતો નથી, પણ જ્યારે તમે ગાડી વેચવા જશો ત્યારે મુશ્કેલી આવી શકે. કારણ કે જો HP દૂર કરવામાં ન આવે, તો નવી માલિકી દાખલ કરી શકાશે નહીં. આ માટે બેંકની NOC જરૂરી છે, જે RTOમાં સબમિટ કરવી પડે છે. ઉપરાંત, ઓનલાઇન એપ્લિકેશન પણ સબમિટ કરવી જરૂરી છે.

કઇ રીતે ઓનલાઇન એપ્લિકેશન સબમિટ કરવી?

• પરિવહન સેવા વેબસાઇટ પર જાઓ.
• "Online Services & Payments" વિકલ્પ પર ક્લિક કરો.
• "Registration Certificate & Permit Related Services" પસંદ કરો.
• "Register on Vahan Portal" પર ક્લિક કરો.
• જો તમારું પહેલાથી એકાઉન્ટ હોય, તો લોગિન કરો. નહિતર નવું એકાઉન્ટ બનાવો.
• એકાઉન્ટ બનાવવા E-KYC પ્રક્રિયા કરવી પડશે.
• લોગિન કર્યા પછી "Termination of Hypothecation" વિકલ્પ પર જાઓ.
• તમામ વિગતો સાચી રીતે ભરો અને ફી ચુકવો.
• Form 35, બેંકની NOC અને જરૂરી દસ્તાવેજ અપલોડ કરો.
• જો તમામ માહિતી યોગ્ય હશે, તો RC ઘરે બેઠા પ્રાપ્ત થઈ જશે.
• ડિજીલોકર પર પણ અપડેટેડ RC ડાઉનલોડ કરી શકાય.

ડિજીલોકર પર RC બુક

તમે ડિજીલોકર પર તમારી RC બુક સાચવી શકો છો, જેથી ફિઝિકલ RC બુક રાખવાની જરૂર ન રહે. આ પદ્ધતિ અનુકૂળ છે અને તમારી RC બુક ખોવાઈ જવાની ચિંતા પણ નહીં રહે. સાથે જ, દરેક જગ્યાએ ફિઝિકલ RC બુક લઈને જવાની પણ જરૂર નહીં રહે.

વધુ વાંચો: 7 એરબેગ, 12 સ્પીકર સાઉન્ડ સિસ્ટમ, 360 ડિગ્રી કેમેરા, ધાંસૂ ફીચર્સ સાથે Mahindraએ લોન્ચ કરી XUV700 Ebony

તેથી, જો તમે ગાડીની લોન સંપૂર્ણ ચૂકવી દીધી હોય, તો તરત જ આ પ્રોસેસ ફોલો કરો અને તમારી માલિકીનો હક મેળવો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ