કેટલાક પુરષોને શેવિંગ કર્યા બાદ દુખાવો કે સ્કીન બળવી અથવા ફોડલીઓ જેવી સમસ્યાઓ થાય છે. જો તમને પણ આવું થતું હોય તો તમારે સુરક્ષિત શેવ કરવાની કેટલીક ટિપ્સ ફોલો કરવી જોઇએ. કેટલાક સરળ ઉપાય બાદ તમે આ દરેક સમસ્યાથી છુટકારો મેળવી શકશો.
શેવિંગ કરતાં પહેલા દાઢીને નવશેકા પાણીથી ભીનું કરી લો. શેવિંગ ઉતાવળમાં કરશો નહીં અને રેઝરના લાંબા સ્ટ્રોક લેશો નહીં. એમાં સ્કીન બળવાની શક્યતા વધી જાય છે.
સ્કીન ઇન્ફેક્શનથી બચવા માટે રેઝર ચેક કરો. ધ્યાનમાં રાખો એ ગંદું ના હોય અને બ્લેડ વધારે ઉપયોગમાં લેવાયેલું ના હોય. સમય સમય પર બ્લેડને બદલતાં રહો. કારણે સ્કીનમાં કોઇ ઇન્ફેક્શન થઇ શકે નહીં.
શેવિંગ બાદ ઇન્ફેક્શનથી બચવા માટે કોઇ એન્ટીસેપ્ટીક ક્રીમ અથવા લોશન જરૂરથી લગાવો.
એક જ જગ્યા પર બે વખત શેવિંગ કરવાની ટેવને બદલી નાંખો. ત્વચા પર શેવ દરમિયાન ઓછોમાં ઓછું વજન નાંખો. શેવિંગ ક્રીમ એલોવેરા અથવા વિટામીન ઇ થી ભરપૂર હોવી જોઇએ. હંમેશા ક્રીમ નરમ લો જેનાથી સ્કીન પર રેસિસ ના પડે અને સ્કીન પર બળતરા ઓછી થાય.