દરેક મહિલા માટે એમનું ઘર જ મંદિર છે. મહિલાઓ હંમેશા એના ઘરને ચોખ્ખું રાખવા દિવસ રાત સાફ સફાઇ કરે છે. પરંતુ તેમ છતાં કોઇને કોઇ ડાઘા તેમને પરેશાન કરે છે. એ ડાઘા દીવાલો પર ક્રેયોનના હોય તમારા ગમતાં કપડાં પર લિપસ્ટિકના હોય કેચઅપના હોય કે કોઇ પણ બીજા પ્રકારના હોય. એ નિશાન ગમે તેટલી મહેનત કરો તેમ છતાં પણ જતા નથી.
પરંતુ આજે અમે તમને એક એવી લચીજ માટે જણાવવા જઇ રહ્યા છીએ જેની મદદથી તમારી આ સમસ્યા ઘણા હદ સુધી ઉકેલાઇ જશે. આ તમામ ડાઘ ધબ્બાને દૂર કરવા માટે ટૂથપેસ્ટનો ઉપયોગ કરો. જી હાં આ વસ્તુ દરેકના ઘરમાં હાજર હોય છે. તમારા દાંતને ચમકાવા ઉપરાંત આ નાની ટ્યૂબ ઘણા બધા કામ કરી શકે છે.
ટૂથપેસ્ટમાં બેકિંગ સોડા તત્વ બિલકુલ યોગ્ય માત્રામાં હોય છે જે કોઇ પણ ચીજને નુકસાનવ પહોંચાડ્યા વગર એની પરથી ધૂળ માટી સાફ કરી શકે છે. કિંમતી ચીજોના ઉપયોગ દરમિયાન વધારે સાવધાની રાખવાની જરૂર હોય છે પરંતુ એના માટે પણ તમે ટૂથપેસ્ટનો ઉપયોગ કરી શકો છો.
તમારા સફેદ કપડા પરથી હટાવો કોઇ પણ પ્રકારના ડાઘ
ખબર નહીં કેટલી વખત ઇન્ક અથવા લિપસ્ટિક અથવા કંઇ ખાવાના ડાઘના કારણે તમારા સફેદ કપડાં ખરાબ થઇ ગયા હશે. ત્યારે તમારા આ પસંદગીના કપડાંને કબાટમાંથી કાયમ માટે દૂર કરી નાંખો એ પહેલા એક વખત ટૂથપેસ્ટનો ઉપયોગ કરીને જુઓ. સારા પ્રમાણમાં ટૂથપેસ્ટ લઇને ડાઘ પડેલી જગ્યા પર નાંખો. એને ધોઇ નાંખો. ત્યાં સુધી આવી રીત અપનાવો જ્યાં સુધી આ પૂરી રીતે હટી જાય નહીં.
જીવજંતુ કરડવા પર તરત રાહત
જો તમને ક્યારેય પણ કોઇ જીવજંતુ કરડી લે તો ખણ અને બળતરાથી છુટકારો મેળવવા માટે એ જગ્યા પર ટૂથપેસ્ટ લગાવો. આ રાત આપવાની સાથે સાથે એ જગ્યા પર લાલાશ પણ ઓછી કરશે.
ફોનની સ્ક્રીન પર સ્ક્રેચસના નિશાન થઇ જશે દૂર
આજના સમયમાં ફોનથી મહત્વનું કંઇ નથી. પરંતુ લાપરવાહીના કારણે ફોન પર ઘણા બધા સ્ક્રેચસના નિશાન આવી જાય છે. જેના કારણે ફોનની ચમક ઓછી થઇ જાય છે. હાં તમે તમારી તૂટેલી સ્ક્રીનને સરખી કરી શકો નહીં. પરંતુ ફોન પર પડેલા સ્ક્રેચસને સરખા કરી શકો છો. થોડી ટૂથપેસ્ટ સ્ક્રીન પર લગાવો અને પડેલા સ્ક્રેચસ પર એને રગડવાનું શરૂ કરો. એક મુલાયમ કપડાંથી સ્ક્રીનને સાફ કરો. જેનાથી એ ઓછા થઇ જશે.
હાથમાંથી આવતી અજીબ ગંધને કરો દૂર
કેટલીક વખત ખાવાનું બનાવતી વખતે અથવા કંઇક કામ કરતી વખતે હાથમાંથી અજીબ સ્મેલ આવવા લાગે છે અને એની ઉપર સાબુ લગાવીએ છતા પણ એ ગંધ જતી નથી. એવામાં તમે ટૂથપેસ્ટની મદદ લઇ શકો છો. થોડી ટૂથપેસ્ટ લો અને તમારા હાથમાંથી આવી રહેલી કોઇ પણ પ્રકારની દુર્ગંધને દૂર કરો.
તમારા હેર સ્ટાઇલિંગના ઉપકરણોને સાફ કરો
જો તમે દરરોજ તમારા વાળને મેનેજ કરવા માટે સ્ટાઇલિંગ ટૂલ્સનો ઉપયોગ કરો છો તો ટૂથપેસ્ટ તમને ઘણી રાહત આપી શકે છે. તમે નોટિસ કર્યું હશે કે દરરોજ સ્ટ્રેટનર અને કર્લિંગ ટૂલનો ઉપયોગ કરવાથી એ ચીકણા થઇ જાય છે. જો એને વધારે ઘસીને સાફ કરવામાં આવે તો એ ખરાબ થઇ શકે છે. એની જગ્યાએ તમે આ ટૂલ્સની પ્લેટ પર ટૂથપેસ્ટ લગાવીને થોડા સમય માટે રાખી મૂકો. એને ભીના કપડાંથી સાફ કરો અને એની ચમક જુઓ.
દીવાલ પરથી હટાવો ક્રેયોન્સના નિશાન
આ પરેશાની મોટાભાગે તમામ ઘરમાં જોવા મળે છે જ્યાં બાળકો હોય છે. બાળકોને ભલે ડ્રોઇંગ બુક કે પેપર આપીએ તેમ છતાં એમને દીવાલો પર કલાકારી કરતાં કોઇ રોકી શકતું નથી. ત્યારે તમે ટૂથપેસ્ટ એ નિશાન પર લગાવો અને એને બ્રશથી ઘસીને કપડાંથી લૂછી દો.
બાળકના દૂધની બોટલને રાખો એકદમ નવી
દૂધના કારણે થોડાક સમય બાદ જ બાળકોની બોટલમાંથી ગંધ આવવા લાગે છે. તમે એને ગમે તેટલી સાફ કરો પરંતુ એ દૂર થતી નથી. તમારા બેબીની બોટલ પર થોડી ટૂથપેસ્ટ લગાવો અને બ્રશની મદદથી અંદર બહાર સારી રીતે ઘસો. અને નોર્મલ રીતથી એને પાણીથી ધોઇ નાંખો.