હેલ્થ / પાણીમાં મધ સાથે આ એક વસ્તુ મિક્સ કરીને પીવો, ઓગળવા લાગશે શરીરમાં જામેલી ચરબી

શું તમને પણ એવું લાગે છે કે માત્ર એક્સરસાઈઝની મદદથી જ વજન ઘટાડી શકાય છે? જો હા, તો તમારે આ વહેમને તરત જ દૂર કરવો જોઈએ. વજન ઓછું કરવા માટે કસરત અને ખોરાક બંને ખૂબ જ અગત્યના ઘટકો છે. જો તમે તમારું વજન ઓછું કરવાનું કાર્ય સરળ બનાવવા ઈચ્છો છો તો પોષક તત્વોથી ભરપૂર આ કુદરતી ડ્રિન્કને તમારા ડાયટ પ્લાનમાં જરૂરથી શામેલ કરો.

મધ અને મરીવાળું પાણી

મધ અને કાળા મરી બંનેને દાદી-નાનીના સમયથી આરોગ્ય માટે ખૂબ જ લાભદાયક માનવામાં આવે છે. જો તમે નિયમિતપણે મધ અને કાળા મરીવાળું પાણી પીશો, તો તમે તમારા શરીરના મેટાબોલિઝમને બૂસ્ટ કરી શકશો. મધ અને કાળી મરીવાળું પાણી પીવાથી વજન ઓછું કરવામાં મદદ મળી શકે છે.

લાભ જ લાભ

મેદસ્વિતાથી છૂટકારો મેળવવા ઉપરાંત શરદી-ખાંસી અને ગળાની ખારાશ જેવી તકલીફમાંથી રાહત મેળવવા માટે પણ તમે મધ અને કાળા મરીવાળું પાણી પી શકો છો. ઔષધીય ગુણોથી ભરપૂર આ ડ્રિન્ક તમારા ગટ હેલ્થને સુધારવામાં પણ અસરકારક સાબિત થઈ શકે છે. ઈમ્યુન સિસ્ટમને મજબૂત બનાવવા માટે પણ આ ડ્રિન્કનું સેવન કરી શકાય છે.

સહેલાઈથી બની જાય એવી રેસીપી

સામગ્રી:

• 1 ગ્લાસ ગાળેલું ગરમ પાણી
• 1 ચમચી શુદ્ધ મધ
• 1 ચપટી કાળા મરીનો પાવડર

રીત:

• સૌપ્રથમ એક પૅનમાં એક ગ્લાસ પાણી ગરમ કરો.
• હવે આ એક ગ્લાસ ગરમ પાણીમાં એક ચમચી મધ અને એક ચપટી કાળા મરીનો પાવડર મિક્સ કરો.
• તૈયાર મિશ્રણને રોજ સવારે પ્રમાણસર પીવો.

કઈ રીતે પીવું:

• સવારે ઉઠતાની સાથે, ખાલી પેટ.
• રોજના માત્ર એકવાર પીવું; વધુ નહીં.

ધ્યાનમાં રાખવાના મુદ્દા

• અતિ સેવન ન કરો: કાળા મરી ગરમ તાસીર ધરાવે છે. વધુ લેવાથી એસીડીટી કે પેટમાં ઇરિટેશન થઈ શકે છે.
• શુદ્ધ મધ જ વાપરો – માર્કેટમાં નકલી મધ પણ મળે છે તેનો ઉપયોગ કરવો નહીં.
• જેઓ ગેસ, અલ્સર કે કિડની રોગથી પીડાતા હોય – પહેલા ડોક્ટરની સલાહ લેવી જોઈએ.

વધુ વાંચો : ભારતમાંથી પૂરી રીતે નાશ પામી છે આ બીમારી, પાકિસ્તાનમાં દર વર્ષે આવે છે નવા કેસો

મધ અને કળા મરીવાળું પાણી સ્વસ્થ જીવનશૈલી તરફ એક સરળ પગલું બની શકે છે. નિયમિત સેવન અને યોગ્ય આહાર-વ્યાયામ સાથે તેનો ઉપયોગ વજન ઘટાડવામાં અસરકારક સાબિત થઈ શકે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ