હેલ્થ / ઉનાળામાં ગ્લોઈંગ સ્કિન માટે ઘરે જ બનાવો આમળાથી ફેસ ટોનર, જાણો રીત

દરેક વ્યક્તિ ઈચ્છે છે કે તેમની ત્વચા હંમેશાં ચમકદાર અને સ્વસ્થ રહે, ખાસ કરીને મહિલાઓ આ માટે વિવિધ પ્રકારની સ્કિન કેર પ્રોડક્ટ્સનો ઉપયોગ કરતી હોય છે. તેમ છતાં, મૌસમી બદલાવ, ધૂળ-માટી અને પ્રદૂષણના કારણે ત્વચા ખરાબ થવા લાગે છે. ઘણી વખત તો મોંઘા સ્કિન કેર પ્રોડક્ટ્સ વાપર્યા પછી પણ ચહેરો નિર્જીવ લાગવા લાગે છે.

ત્વચા માટે અસરકારક ઉપાય આમળા

ઘણી મહિલાઓ કોઈપણ કેમિકલવાળા પ્રોડક્ટ્સ વાપર્યા વિના કુદરતી રીતે ચમકતી ત્વચા મેળવવા માટે ઘરગથ્થુ નુસખાઓ અજમાવે છે, જેમાં આમળાનો પણ સમાવેશ થાય છે. આમળામાં આયર્ન, કેલ્શિયમ, ફોસ્ફરસ, પોટેશિયમ, મૅગ્નેશિયમ, એન્ટીઑક્સિડન્ટ, વિટામિન C, A અને B જોવા મળે છે. આ તત્વો આરોગ્ય સાથે સાથે ત્વચા અને વાળ માટે પણ લાભદાયક હોય છે. મોટા ભાગના લોકો ત્વચાને સ્વસ્થ રાખવા માટે સવારે આમળાનો જ્યુસ પીવાનું પસંદ કરે છે. પણ, આમળાથી તમે સ્કિન ટોનર પણ બનાવી શકો છો.

આમળાને વિવિધ રીતે ચહેરા પર લગાડવામાં આવે છે, મોટાભાગે લોકો આમળાનું ફેસ માસ્ક બનાવીને તેનો ઉપયોગ કરે છે. પણ આમળાનું ટોનર બનાવીને પણ તેનો ઉપયોગ કરી શકાય છે. આ બનાવવાની રીત ખૂબ જ સરળ છે. ચાલો તેના વિશે જાણી લઈએ.

આમળા ટોનર

• આ બનાવવા માટે તમને જરૂર પડશે – આમળાનો રસ અને ગુલાબજળ.
• હવે આ બનાવવા માટે સૌપ્રથમ આમળાને સારી રીતે પાણીથી ધોઈ લો અને સાફ કપડાંથી સાફ કરી લો.
• પછી તેને મિક્સર જારમાં નાખી પીસી લો અને પછી ગાળી લો.
• હવે આમળાનો રસ કાઢી લો. આ રસમાં ગુલાબજળ મિક્ષ કરો અને તેને 5 થી 10 મિનિટ માટે ફ્રિજમાં રાખી દો.
• ઠંડુ થઈ ગયા પછી તેને ચહેરા પર લગાવો. ઉનાળાની ઋતુમાં આ ત્વચાને ઠંડક આપે છે અને તાજગીનો અનુભવ કરાવે છે.

આમળા અને ઍલોવેરા

• ઍલોવેરા પણ ત્વચા માટે ખૂબ ફાયદાકારક હોય છે. આમળા સાથે તેને મિક્સ કરીને ચહેરા પર લગાવી શકાય છે.
• આ માટે આમળાનો રસ કાઢી લો અને તેમાં તાજું ઍલોવેરાનું જેલ મિક્ષ કરો અને ચહેરા પર લગાવો.
• તે સ્કિનને હાઈડ્રેટ કરવાનું કામ કરે છે. તે ત્વચાને ચમકદાર બનાવે છે, ડાર્ક સ્પોટ્સ ઘટાડે છે, ત્વચાને પોષણ આપે છે અને પિમ્પલ્સની સમસ્યા ઘટાડવામાં પણ મદદરૂપ થાય છે.

વધુ વાંચો: શરીરમાં આવા લક્ષણો દેખાય તો ચેતી જજો! સમજી લેજો વધી રહ્યું છે ડાયાબિટીસ

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ