લાંબા વાળ કોને પસંદ ના હોય? મોટાભાગની મહિલાઓ ઇચ્છે છે કે તેમના વાળ કાળા ઘટાદાર અને લાંબા હોય. પરંતુ અવારનવાર પોષણની કમીના કારણે વાળ ખરવા માંડ છે અને વાળના નેચરલ ગ્રોથ પર અસર થાય છે. જો તમે તમાર વાળને હેલ્ધી રાખવા ઇચ્છો છો તો આ ટિપ્સ ધ્યાનમાં રાખો....
મોટાભાગના લોકોને આદત હોય છે કે શેમ્પૂ કર્યા બાદ ભીના વાળને ટુવાલમાં બાંધે છે. પરંતુ તમે કદાચ નહી જાણતા હોવ કે આ ખોટી આધતથી વાળને કેટલું નુકસાન થાય છે. ભીના વાળ વધારે ખરે છે એટલે કે ધોયા પછી ટુવાલમાં બાંધવાથી વાળ ખરવાની સમસ્યા વધે છે એવામાં વાળને બાંધવા માટે ટુવાલના બદલે કોટન ટીશર્ટ કે પછી માઇક્રોફાઇબર ટુવાલનો ઉપયોગ કરો.
જો તમે પોનીટેલ રૂપે કે ઉંચો અંબોડો ટાઇટ વાળો છો તો આ આદત બદલી નાખો. વાળ ટાઇટ બાંધવાથી હેર ફોસિલ્સ પર પ્રેશર આવે છે અને વાળ નબળા પડીને ખરવા લાગે છે. જો વાળને બાંધવા હોય તો બહુ ટાઇટ ન બંધાઇ જાય તેનું ધ્યાન રાખો.
વાળ સ્કાલ્પ અને મૂળમાંથઈ બરાબર રહે છે પરંતુ વાળનો નીચલો ભાગ ખૂબ જ નબળો થઇ જાય છે જેના કારણે હેર ગ્રોથ થતો નથી એટલે કે વાળને જરૂરી પોષણ મળે તેના માટે દર વખતે શેમ્પૂ કર્યા પછી વાળના કન્ડિશનર પણ લગાવો એટલે કે છેડાના વાળને ડેમેજ થતાં બચાવી શકાય.
વાળને હેલ્ધી રહે અને જલ્ધી વધે એવું ઇચ્છતા હોવ તો દરરોજ ગરમ તેલથી માલિશ કરવી જોઇએ. ગરમ તેલથી મસાજ કરવાથી વાળ સારા રહેશે અને સાથે જ સ્ટ્રેસ પણ ઓછો થશે. દર અઠવાડિયે નારિયેળનું તેલ ઓલિવ ઓઇલ કે લવંડર ઓઇલને ગરમ કરીને વાળની માલિશ કરશો તો વાળ મજબૂત બનશે સાથે જ ખરવાની સમસ્યા પણ ઘટશે.
તમે સાંભળ્યુ હશે કે કાંસકાનો વધારે પડતો ઉપયોગ કરવાથી વાળ ખરવા માંડે છે પરંતુ હંમેશા આવું નથી. તમે કયા પ્રકારનો કાંસકો કે બ્રશ વાપરો છો તેની સાથે આ બાબત જોડાયેલી છે. સિંથેટિક દાંતાવાળા કાંસકાનો ઉપયોગ કરવાથી વાળને નુકસાન પહોંચે છે. લાકડાના દાંતાવાળો કે બોર બ્રિસેલ્સવાળા કાંસકાનો ઉયયોગ કરો અને સાથે રાત્રે ઊંઘતા પહેલા આશરે 50 વખત વાળમાં કાસંકો ફેરવો જેથી સકાલ્પમાં બ્લડ સર્કુલેયશન વ્યવસ્થિત થઇ શકે.
વાળમાં પોષણની કમી હોય તો ઇંડાનું માસ્ક લગાવો. ઇંડું પ્રોટીનથી ભરપૂર હોય છે અને વાળને પોષણ આપે છે એટલે નવા વાળ ઉગાવવા મદદ મળે છે. 1 ઇંડાના 1 ચમચી ઓલિવ ઓઇવ મિક્સ કરીને તેને વ્યવસ્થિત મિક્સ કરીને વાળ અને સ્કાલપ પર લગાવો. 20 મિનિટ માટે વાળ પર આ પેક લગાવી રાખો અને શેમ્પૂથી વાળ ધોઇ લો. આ માસ્કને 1 મહિના સુધી યૂઝ કરો પછી જુઓ વાળનો કેટલો સારો ગ્રોથ થાય છે.