દેશની સૌથી મોટી લાઇફ ઇન્શ્યોરન્સ કંપની ભારતીય જીવન બીમા નિગમ (LIC) પોતાના ગ્રાહકો માટે એક ખાસ ઑફર લોન્ચ કરી છે.
LIC ફરી એક વખત પોતાની જૂની પૉલિસી (Old Policy) શરૂ કરવા માટે તક આપી રહી છે. જો કોઇ કારણોસર લાંબા સમયથી પૉલિસીનું પ્રીમિયમ નથી ભર્યુ તો પ્રીમિયમ ન ભરવાને કારણે પૉલિસી લેપ્સ થઇ ગઇ હોય તો તમે ફરી શરૂ કરી શકો છો. આ માટે LIC એ સ્પેશિયલ રિલાઇવલ કેમ્પેન શરૂ કર્યુ છે.
15 નવેમ્બર સુધી ચાલશે કેમ્પેન:
LIC એ ટ્વીટ કરીને જાણકારી આપી છે કે, સ્પેશિયલ રિવાઇવલ કેમ્પેન 16 સપ્ટેમ્બરથી શરૂ થઇ ચૂક્યુ છે અને તે 15 નવેમ્બર 2019 સુધી ચાલશે. આ દરમિયાન LIC પૉલિસીધારકો પોતાની બંધ થઇ ચૂકેલી પૉલિસીને ફરી શરૂ કરી શકશે. આ યોજનામાં એવા લોકોને ફાયદો મળશે, જેમણે પોતાની પૉલિસીને સરેન્ડર કરી નથી. જોકે આ માટે પૉલિધીધારકે થોડી અમાઉન્ટ આપવી પડશે. જો તમે પણ તમારી પૉલિસી સરેન્ડર નથી કરી તો તમે આ સ્કીમનો ફાયદો ઉઠાવી શકો છો.
LIC ની બંધ પડેલી પૉલિસી ફરી શરૂ કરાવવા ચલવવામાં આવી રહેલા આ કેમ્પેન પર કન્સેશન પણ મળી રહ્યુ છે. જૂની પૉલિસી ફરી શરૂ કરાવવાથી ગ્રાહકોને ડેથ બેનિફિટ્સ પણ મળશે. એટલે કે જો પૉલિસીધારકનું અચાનકથી મૃત્યુ થઇ જાય તો નોમિનીને પૈસા મળશે. પ્રીમિયમ ન ભરવા પર પૉલિસી બંધ થઇ જાય છે, જે પછી બેનિફિટ્સ નથી મળતા. સ્પેશિયલ રિવાઇવલમાં કોઇ પણ પૉલિસીને માત્ર 1 વખત ફરી કરાવી શકાય છે. જોકે આ માટે મહત્વની વાત એ છે કે, પૉલિસી લેપ્સ થયે 3 વર્ષથી વધુ સમય ન થયો હોય.
આ સિવાય રિવાઇવલ પૉલિસી માટે ગ્રાહક પોતાનો રજિસ્ટર્ડ મોબાઇલ નંબર, NEFT ડિટેલ અને ઇમેલ રજિસ્ટ્રર કરાવી શકે છે.