સજા / ઢોર ચરાવી રહેલી વૃદ્ધા સાથે દુષ્કર્મ કરનારને આજીવન કેદ, મહીસાગર જિલ્લા ન્યાયાલયનો ઐતિહાસિક ચૂકાદો, જાણો કેસ

• દુષ્કર્મના આરોપીને આજીવન કેદની સજા ફટકારી
• ખાનપુરના સરહદીય વિસ્તારમાં વૃદ્ધા પર દુષ્કર્મની બની હતી ઘટના
• ઢોર ચરાવી રહેલ વૃદ્ધા સાથે દુષ્કર્મ આચરી લૂંટવાનો પ્રયાસ કર્યો હતો

રાજ્યમાં દુષ્કર્મ કાંડમાં સંડોવાયેલા વધુ એક આરોપીને કોર્ટ દ્વારા આકરી સજા ફટકારવામાં આવી છે. જેમાં મહીસાગર જિલ્લામાં દુષ્કર્મના કેસમાં ક્શુરવાર આરોપીને કોર્ટે આજીવન કેદની સજા ફટકારી છે. મહીસાગર જિલ્લા કોર્ટે સજાનો હુકમ કરતા આરોપીઓમાં સોપો પડી ગયો છે. આરોપીએ ઢોર ચરાવી રહેલી વૃદ્ધા પર દુષ્કર્મ આચર્યુ હતું. એટલું જ નહિ દુષ્કર્મ આચરી લૂંટવાનો પણ પ્રયાસ કર્યો હતો. જેને લઈને મહિસાગર જિલ્લા ન્યાયાલયએ ઐતિહાસીક ચુકાદો સંભળાવ્યો છે.

ચાંદીના કડલા લૂંટવાનો પ્રયાસ કરી આરોપી નાસી છૂટ્યો હતો

આ કેસની વિગત એવી છે કે વર્ષ 2020ના ફેબ્રુઆરીમાં ખાનપુર તાલુકાના સરહદીય વિસ્તારમાં વૃદ્ધા ઢોર ચડાવી રહી હતી. આ દરમિયાન આરોપીએ વૃદ્ધા પર કુકર્મ ગુજારી અને ચાંદીના દાગીના લૂંટવાનો પ્રયાસ કર્યા બાદ આરોપી નાશી છૂટ્યો હતો.  બાદમાં આ મામલે બાકોર પોલીસ સ્ટેશને આરોપી સામે ફરિયાદ પણ દાખલ કરવામાં આવી હતી. ત્યારબાદ આરોપીને પોલીસે દબોચી લઈ વડોદરા જેલમા ધકેલી દિધો હતો. આ મામલે આરોપીને જેલમાંથી ઓનલાઇન સાંભળવામાં આવ્યો અને સજા પણ ઓનલાઇન ફટકારવામાં આવી છે.