કામની વાત / 1 કરોડથી વધુ પેન્શનર્સને માટે સારા સમાચાર, હવે ઘરે બેઠા 70 રૂપિયામાં બનશે લાઈફ સર્ટિફિકેટ, જાણો પ્રોસેસ

• પોસ્ટલ વિભાગે શરૂ કરી ડિજિટલ સુવિધા
• પેન્શનધારકોને મળશે મોટી રાહત
• પોસ્ટમેન 5 મિનિટમાં 70 રૂપિયાના ખર્ચે ઘરે આવીને બનાવશે લાઈફ સર્ટિફિકેટ
   

પેન્શનધારકોએ પોતાનું પેન્શન ચાલુ રાખવા માટે દર વર્ષે નવેમ્બરમાં લાઈફ સર્ટિફિકેટ જમા કરાવવાનું રહે છે. કોરોના મહામારીના કારણે સરકારે વરિષ્ઠ નાગરિકોને છૂટ આપી છે. સરકારે કહ્યુ કે તેઓ 1 નવેમ્બરથી 31 ડિસેમ્બરના 2 મહિનામાં આ સર્ટિફિકેટ જમા કરાવી શકશે. 

દિવ્યાંગ અને વૃદ્ધો માટે ખાસ શરૂ કરાઈ નવી વ્યવસ્થા

હવેથી દિવ્યાંગ અને વૃદ્ધોને પેન્શનનું લાઈફ સર્ટિફિકેટ બનાવવા માટે પોસ્ટ ઓફિસ જવાની જરૂર રહેશે નહીં. ભારતીય પોસ્ટલ પેમેન્ટ બેંક ઘરે પહોંચીને તમને આ સુવિધા આપશે. નજીકના પોસ્ટમેનનો સંપર્ક કરીને તેને સૂચના આપો અને પછી પોસ્ટમેન સંબંધિત વ્યક્તિના ઘરે પહોંચીને ડિજિટલ જીવન પ્રમાણપત્ર બનાવી આપશે. 

5 મિનિટ અને 70 રૂપિયામાં બનશે લાઈફ સર્ટિફિકેટ

તમે સેવાનિવૃત્ત કર્મચારી છો અને ચાલવામાં સક્ષમ નથી તો પેન્શન લેવાનું પ્રમાણપત્ર બનાવવા તમારે ગભરાવવાની જરૂર નથી. પોસ્ટ વિભાગના કર્મચારીઓ તમને ઘરે બેઠા પ્રમાણપત્ર 5 મિનિટમાં બનાવી આપશે. તે પણ ફક્ત 70 રૂપિયામાં.

કેન્દ્ર સરકાર, રાજ્ય સરકાર અને અન્ય સરકારી સંસ્થાઓના પેન્શનભોગી આ સેવાનો લાભ લઈ શકે છે. પોસ્ટ ઓફિસના પોસ્ટમેન ઘરે આવીને પાંચ મિનિટમાં બાયોમેટ્રિક લાઈફ સર્ટિફિકેટ બનાવી દેશે અને તમારે તેમને 70 રૂપિયા આપવાના રહેશે. 

આધાર નંબરની રહેશે જરૂર
પેન્શનર્સની પાસે આધાર નંબર હોવો જરૂરી છે. આ સિવાય પીપીઓ નંબર, મોબાઈલ નંબર પોસ્ટઓફિસમાં આપવાનો રહેશે. પોસ્ટમેન આધારની મદદથી ડિજિટલ જીવન પ્રમાણપત્ર જાહેર કરી આપશે. જે  જાતે જ પેન્શન જાહેર કરનારા સંબંધિત વિભાગ કે બેંકમાં અપડેટ થઈ જશે. 

SBIએ લાઈફ સર્ટિફિકેટ જમા કરાવવા માટે ઓનલાઈન સુવિધા આપી છે. આ માટે બેંકે કહ્યું કે pensionseva.sbiની મદદ લઈ શકાય છે. આ સિવાય ઉમંગ એપની મદદ પણ લઈ શકાય છે. આધાર સેન્ટર અને કોમન સર્વિસ સેન્ટર માટે પણ લાઇફ સર્ટિફિકેટ જમા કરાવી શકાય છે. જે પેન્શનર બેંક જઈ શકતા નથી તે મેજિસ્ટ્રેટની ઓફિસ કે ગેઝેટેડ ઓફિસરની સાઈન કરાવીને લાઈફ સર્ટિફિકેટ જમા કરાવી શકે છે. દરેક પેન્શન મેળવનારા કર્મચારીઓને 30 નવેમ્બર સુધીમાં લાઈફ સર્ટિફિકેટ જમા કરાવવાનું રહે છે. 

SBIની સાઈટથી પણ કરી શકાશે લાઈફ સર્ટિફિકેટ જમા 

સ્ટેટ બેંક ઓફ ઈન્ડિયાની વેબસાઈટ https://www.pensionseva.sbi/ પર જાઓ અને તેમાં યૂઝર આઈડી બનાવીને લોગઈન કરો. સાઈટમાં તમારો પેન્શન એકાઉન્ટ નંબર અને બર્થ ડેટની સાથે બ્રાન્ચ કોડ પણ ભરો. હવે એકાઉન્ટમાં મેલ આઈડી લખો. અને પાસવર્ડ લખીને એકાઉન્ટ બનાવો. હવે પેન્શન અને એકાઉન્ટ સાથેની તમામ સર્વિસ મળશે. રજિસ્ટ્રેશન બાદ પેન્શનરના ઈમેલ આઈડી પર મેલ આવશે. તેમામં એકાઉન્ટ વેરિફિકેશન માટે લિંક આવશે. તેની પર ક્લિક કરતાં ખાતું એક્ટિવ થશે. એકાઉન્ટ એક્ટિવ થાય ત્યારે પેન્શનરના મેલ આઈડી અને પાસવર્ડથી વેબસાઈટ પર લોગઈન કરી શકાય છે. 

Umang એપથી કેવી રીતે જમા કરશો સર્ટિફિકેટ

UMANG App માં તમને Jeevan Pramaan service પર જાઓ.આ પછી મોબાઈલથી biometric device કનેક્ટ કરો.જીવન પ્રમાણ સર્વિસના આધારે General Life Certificate ના ટેબ પર ક્લિક કરો. હવે તમે Pension Authentication માં જાઓ. અહીં તમારો આધાર અને મોબાઈલ નંબર દેખાશે, બંને ચીજો સાચી છે તો generate OTP પર ક્લિક કરો. તમારા મોબાઈલ પર આવેલા OTP નંબરને એન્ટર કરો. અને સબમિટ કરો. હવે બાયોમેટ્રિક ડિવાઈસની મદદથી ફિંગરપ્રિન્ટ સ્કેન કરો.  તે મેચ થતાંની સાથે જ  Digital Life Certificate તૈયાર થશે. સર્ટિફિકેટ જોવા માટે View Certificate પર ક્લિક કરો. આધાર નંબરની મદદથી તેને જોઈ શકાશે.