RTO / જો હવે આ નિયમનું પાલન નહીં કરો તો તમારૂં લાયસન્સ કાયમ માટે થશે રદ

ટ્રાફિક અવેરનેસ માટે પોલીસ છેલ્લા ઘણા સમયથી શહેરીજનોમાં નિયમોનુ પાલન કરવા અંગે અવેરનેસ લાવી રહી છે. પણ હવે નિયમ ભંગ કરનાર સામે દંડની પણ કાર્યવાહી કરવામાં આવી છે. વાહનચાલકો દ્વારા હજુ પણ નિયમ ભંગ કરવામાં આવી રહ્યો છે જેની સામે હવે આરટીઓ અને પોલીસે લાલ આંખ કરી છે. રોંગ સાઈડમાં વાહન ચાલવું હેલ્મેટના પહેરવું, વારંવાર ટ્રાફિક નિયમનો ભંગ કરનાર વાહન ચાલકોના લાયસન્સ હવે રદ કરવામાં આવી રહ્યા છે.

પોલીસે RTOને નિયમ ભંગ કરનાર વિરુદ્ધની ફરિયાદો RTOને મોકલવામાં આવી છે. જેમાંથી RTO દ્વારા 489 વાહન ચાલકોના લાયસન્સ 3 મહિના માટે રદ કરવામાં આવ્યા છે. તો જે વાહનચાલકો વારંવાર નિયમ ભંગ કરશે તે લોકોના કાયમી માટે લાયસન્સ રદ કરવામાં આવશે.

ટ્રાફિક પોલીસ દ્વારા જે લોકોને દંડવામાં આવી રહ્યા છે તે લોકોનો ડેટા પણ પોલીસ એકઠો કરી રહી છે. એકવાર નિયમ ભંગ કરી લાયસન્સ રદ કર્યા બાદ જો ફરી પકડાશે તો તેની કલમ 279 મુજબ ધરપકડ પણ કરવામાં આવશે. ટ્રાફિક નિયમ ભંગના ગુનાની જોગવાઈની વાત કરીએ તો આ કલમ હેઠળ ધરપકડ કરી વાહનચાલકને જેલ પણ થઇ શકે છે.

RTO અને પોલીસનું આ અભિયાન રોંગ સાઈડમાં થતા અકસ્માતોને ટાળવા માટે શરૂ થયું છે. પરંતુ વાહનચાલકોએ પણ નૈતિક જવાબદારી સમજી સેફટીના ભાગરૂપે હેલ્મેટ પેહરી અને રોંગ સાઈડમાં વાહનના ચાલવુ જોઈએ. ત્યારે જે વાહનચાલકો રોંગ સાઈડ અને નિયમ ભંગ કરે છે તે લોકો એ ચેતવણી જરૂર છે. નહિ તો ટ્રાફિક પોલીસ તેમને જેલ પણ બતાવી શકે છે.