નુકસાન / મોટી આશાએ LIC માં રોકાણ કરનારાઓને જોરદાર ફટકો, ત્રણ જ દિવસમાં 1500 કરોડ હોમાયા

• ઈશ્યૂ પ્રાઈસથી 100 રૂપિયા નીચે આવ્યો ભાવ 
• દરેક કેટેગરી માટે ઈન્વેસ્ટર્સને થઈ ચુક્યો ઘાટો 
• LIC IPOએ ઈન્વેસ્ટર્સને કરાવ્યું મોટુ નુકસાન 

IPO લાવ્યા બાદ સરકારી વીમા કંપની LICની બજારમાં ખરાબ સ્થિતિ બનેલી છે. પહેલા બજારમાં એલઆઈસીના શેરની લિસ્ટિંગ નુકસાનની સાથે થઈ. ત્યાર બાદ આજે LICના શેર ચારેબાજુથી નુકસાનની ઝપેટમાં આવી ગયા છે. જ્યારે બજાર બંધ થયું. ત્યાં સુધી એલઆઈસી શેર બીએસઈ પર 4.05 ટકા ઘટીને 840.75 રૂપિયા પર આવી ગયા. ડિસ્કાઉન્ટ પર લિસ્ટિંગ બાદ થયેલા આ ઘટાડાએ આઈપીઓમાં પૈસા લગાવનાર ઈન્વેસ્ટર્સને ફક્ત 3 જ દિવસમાં ભારે નુકસાન કરાવી દીધુ છે. 

ઈશ્યુ પ્રાઈઝ કરતા આટલો નીચે આવ્યો ભાવ 
LIC IPO માટે 902-949 રૂપિયા પ્રાઈશ બેન્ડ સેટ કરવામાં આવ્યું હતું. લિસ્ટિંગથી એન પહેલા બીએસઈ પર પ્રી-ઓપન સેશનમાં એલઆઈસીના શેરમાં 13 ટકા સુધીનો ઘટાડો થયો છે. ત્યાર બાદ અંતતઃ એલઆઈસીના શેર ઈશ્યુ પ્રાઈસની તુલનામાં 8.62 ટકા અટલે કે 81.80 રૂપિયા ઘટીને 867.20 રૂપિયા પર સેટલ થઈ ગયું. આજના ઘટાડા બાદ એલઆઈસીના શેર ઈશ્યુ પ્રાઈસથી 108.25 રૂપિયા નીચે આવી ચુક્યો છે. 

ઈન્વેસ્ટર્સના ડૂબ્યા હજારો કરોડો
ઈશ્યુ પ્રાઈશના આધાર પર એલઆઈસીની માર્કેટ કેપ 6,00,242 કરોડ રૂપિયા હતી. આજના ઘટાડા બાદ તે 5,31,774.18 કરોડ રૂપિયા પર આવી ગઈ છે. આ રીતે જોઈએ તો કંપનીની વેલ્યુ ફક્ત 3 દિવસમાં જ 68,468 કરોડ રૂપિયા ઓછી થઈ ચુકી છે. બીજા શબ્દોમાં કહીએ તો એલઆઈસીના આઈપીઓમાં પૈસા લગાવનાર ઈન્વેસ્ટર્સને આ ત્રણ દિવસોમાં જ 68,468 કરોડ રૂપિયાનું નુકસાન ઉઠાવવું પડ્યું છે. 

દરેક કેટેગરીના ઈન્વેસ્ટર્સને નુકસાન 
સરકારી વીમા કંપનીના મેગા આઈપીઓના એક લોટમાં 15 શેર હતા. આ રીતે દરેક ઈન્વેસ્ટરને આ આઈપીઓમાં ભાગ લેવા માટે ઓછામાં ઓછા 14,235 રૂપિયા લગાવવા પડ્યા. જેમાં કોઈ પ્રકારનું ડિસ્કાઉન્ટ ન આપવામાં આવ્યું. એવામાં ઈન્વેસ્ટર્સ અત્યાર સુધી દર લોટ પર 1,623.75 રૂપિયા ગુમાવી ચુક્યા છે. 

બોર્ડે એલઆઈસી આઈપીઓમાં કર્મચારીઓ માટે 45 રૂપિયા અને એલઆઈસીના પોલિસીહોલ્ડર્સ માટે 60 રૂપિયા ડિસ્કાઉન્ટ નક્કી કર્યું હતું. જેમને 45 રૂપિયા ડિસ્કાઉન્ટ મળ્યું, તેમને અત્યાર સુધી એક લોટ પર 948.75 રૂપિયાનું નુકસાન થઈ ચુક્યું છે. આ પ્રકારે 60 રૂપિયા ડિસ્કાઉન્ટ મેળવનાર ઈન્વેસ્ટર્સને 723.75 રૂપિયાનું નુકસાન ગયું છે.