પોલિસી / LIC સ્કીમ: દીકરીના લગ્ન માટે મળશે પુરા 27 લાખ રૂપિયા, ફક્ત 121 રૂપિયા પ્રિમિયમ; જાણો સમગ્ર માહિતી

આ પોલિસી લીધા પછી તમે પુત્રીના લગ્નની ચિંતાઓથી મુક્ત થઈ જશો. નામ સૂચવે છે તેમ આ પોલિસી ફક્ત વિશેષ દિકરીઓના લગ્ન માટે જ તૈયાર કરવામાં આવી છે. ચાલો તમને આ પોલિસી વિશે સંપૂર્ણ માહિતી આપીએ

આ પોલિસીમાં તમારે દરરોજ રૂપિયા 121 એટલે કે મહિને લગભગ 3600 રૂપિયાનું પ્રીમિયમ ચૂકવવું પડશે. જો તમે ઇચ્છતા હોવ તો આ પોલિસી નીચા પ્રીમિયમ પર પણ લઈ શકો છો. પરંતુ આમાંથી મળતી રકમ પણ ઓછી થશે. દરરોજ 121 રૂપિયાનું રોકાણ કરીને 25 વર્ષ પછી તમને 27 લાખ રૂપિયા મળશે.

ડેથ બેનિફિટનો પણ છે પોલિસીમાં સમાવેશ

ભગવાન ન કરે પણ જો પોલિસીધારક પોલિસી લીધા પછી મૃત્યુ પામે છે, તો તેના પરિવારજનોએ પ્રીમિયમ ચૂકવવું પડશે નહીં. જો મૃત્યુ આકસ્મિક છે, તો પરિવારને 10 લાખ રૂપિયાની રકમ મળશે. જો મૃત્યુ સામાન્ય સંજોગોમાં થાય છે, તો 5 લાખ રૂપિયા મળશે. તેમજ પરિવારને મેચ્યોરિટી સુધી દર વર્ષે 50,000 રૂપિયા પણ મળશે. એટલે કે, આ યોજનામાં ડેથ બેનિફિટ પણ શામેલ છે. 25 વર્ષ બાદ 27 લાખની રકમ નોમિનીને આપવામાં આવશે.

શું છે પોલિસી લેવાની શરતો?

જો તમારે તમારી દીકરી માટે પોલિસી લેવી છે તો તમારી ઉંમર ઓછામાં ઓછી 30 વર્ષની હોવી જોઈએ, પુત્રીની ઉંમર ઓછામાં ઓછી 1 વર્ષની હોવી જોઈએ. આ પોલિસી 25 વર્ષ માટે છે, પરંતુ પ્રીમિયમ માત્ર 22 વર્ષ માટે ચૂકવવું પડશે. બાકીના 3 વર્ષ સુધી કોઈ પ્રીમિયમ ચૂકવવું પડશે નહીં. પરંતુ એ પણ નોંધવું રહ્યું કે દીકરીની ઉંમર પ્રમાણે આ પોલિસીનો સમયગાળો પણ ઘટાડી શકાય છે.

ભણતર માટે પણ વાપરી શકાય છે

આ પોલિસીની મર્યાદા 25 વર્ષની જગ્યાએ 13 વર્ષની પણ ગોઠવી શકાય છે. આ ભંડોળનો ઉપયોગ દીકરીના લગ્ન ઉપરાંત તેના ભણતર માટે પણ કરી શકાય છે. બધું મળીને આ પોલિસી જોવા જઈએ તો તમને તમારી દીકરીના લગ્ન અને ભણતર બંનેની ચિંતાથી મુક્ત કરી દે છે. 

કયા ડોક્યુમેન્ટની પડશે જરૂરત?

ફોર્મ ભરવા માટે તમારે આધારકાર્ડ, આવકનું પ્રમાણપત્ર, ઓળખ કાર્ડ, એડ્રેસ પ્રુફ અને પાસપોર્ટ સાઇઝ ફોટોની જરૂર રહેશે. આ ઉપરાંત પહેલા પ્રીમિયમ માટે હસ્તાક્ષર કરેલ એપ્લિકેશન ફોર્મ અને જન્મ પ્રમાણપત્ર સાથેનો ચેક અથવા રોકડ આપવાના રહેશે.