અત્યાર સુધી તમે 60 વર્ષ અથવા તેનાથી વધુની ઉંમરમાં પેન્શન મળતુ હોય તેવુ જોયુ અને સાંભળ્યું હશે. પરંતુ હવે તમારે પેન્શન માટે વધુ રાહ નહીં જોવી પડે. જીવન વિમા નિગમે એક ખાસ પ્લાન લોન્ચ કર્યો છે.
હવે તમને માત્ર 40 વર્ષની ઉંમરે પણ પેન્શન મળવાનું શરૂ થઇ શકે
LIC ની આ યોજનામાં મળે છે લાભ, આ એક સિંગલ પ્રીમિયમ પેન્શન પ્લાન
જો પોલિસી ધારકનું મૃત્યુ થશે તો તેના નૉમિનીને પણ મળશે રકમ
શું છે સરળ પેન્શન યોજના?
આ પ્લાન હેઠળ એકસામટી રકમ જમા કરવાથી તમને માત્ર 40 વર્ષની ઉંમરમાં પણ પેન્શન મળવાનું શરૂ થઇ શકે છે. આવો જાણીએ આ સ્કીમ અંગે. LICની આ સ્કીમનું નામ સરળ પેન્શન યોજના છે. આ એક સિંગલ પ્રીમિયમ પેન્શન પ્લાન છે. જેમાં પૉલિસી લેતી વખતે એક વખત પ્રીમિયમ આપવાનુ હોય છે. ત્યારબાદ આખુ જીવન તમને પેન્શન મળતુ રહેશે. તેમાં જો પોલિસી ધારકનું મૃત્યુ થઇ જાય તો તેના નૉમિનીને સિંગલ પ્રીમિયમની રકમ આપવામાં આવે છે. સરળ પેન્શન યોજના એક ઈમીડિએટ એન્યુટી પ્લાન છે, એટલેકે પોલિસી લેતા તમારે પેન્શન મળવાનુ શરુ થઇ જાય છે. આ પોલિસી લીધા બાદ જેટલી પેન્શનથી શરૂઆત થાય છે, એટલું પેન્શન આખી જીંદગી મળે છે.
આ પેન્શન યોજનાને લેવાની બે પદ્ધતિ
સિંગલ લાઈફ
જેમાં પોલિસી કોઈ એકના નામે રહેશે. જ્યાં સુધી પેન્શન મેળવનાર જીવતો રહેશે ત્યાં સુધી તેમને પેન્શન મળતી રહેશે. પેન્શન મેળવનારની મૃત્યુ બાદ બેસ પ્રીમિયમની રકમ તેના નોમિનીને પાછી આપી દેવામાં આવશે.
જોઈન્ટ લાઈફ
જેમાં બંને જીવનસાથી કવર થાય છે. જ્યાં સુધી પ્રાઈમરી પેન્શન મેળવનાર જીવતો રહેશે ત્યાં સુધી પેન્શન મળતુ રહેશે. પેન્શન મેળવનારના મૃત્યુ બાદ તેના જીવનસાથીને આખુ જીવન પેન્શન મળતુ રહેશે. તેમના મોત બાદ બેસ પ્રીમિયમની રકમ તેના નોમિનીને સોંપી દેવામાં આવશે.
કોણ લઇ શકે છે સરળ પેન્શન યોજના?
આ યોજનાના લાભ માટે ન્યુનત્તમ વય મર્યાદા 40 વર્ષ છે અને મહત્તમ 80 વર્ષ છે. કારણકે આ એક આખા જીવનની પોલિસી છે તો પેન્શન મેળવનાર જ્યાં સુધી જીવતો રહે છે ત્યાં સુધી પેન્શન આખા જીવન સુધી મળે છે. સરળ પેન્શન પૉલિસીને શરૂ થયાના છ મહિના બાદ ક્યારેય પણ સરેન્ડર કરી શકાય છે.