LIC એ હાલમાં જ નવી સ્કીમ લોન્ચ કરી છે. જે હેઠળ લોકો 40 વર્ષની ઉંમરમાં પણ પેન્શન લેવાનું શરૂ કરી શકે છે.
પેન્શન માટે નહીં જોવી પડે 60 વર્ષની રાહ
LICએ લોન્ચ કર્યો નવો પ્લાન
40 વર્ષની ઉંમરમાં પણ પેન્શન શરૂ થઈ જશે
અત્યાર સુધી તમને પેન્શન માટે 60 વર્ષની રાહ જોવી પડતી હતી પરંતુ હવે તેમ કરવાની જરૂર નથી. હકીકતે જીવન વીમા નિગમ (LIC)એ હાલમાં જ એક નવો પ્લાન લોન્ચ કર્યો છે. જે હેઠળ એક વખત રકમ જમા કરવા પર ફક્ત 40 વર્ષની ઉંમરમાં પણ પેન્શન મળવાનું શરૂ થઈ જાય છે. આવો જાણીએ આ સ્કીમ વિશે.
શું છે સરળ પેન્શન યોજના?
LICની આ સ્કીમનું નામ સરળ પેન્શન યોજના છે. આ એક સિંગલ પ્રીમિયમ પેન્શન પ્લાન છે. જેમાં પોલિસી લેતી વખતે જ એક વખત પ્રીમિયમ આપવાનું રહેશે. ત્યાર બાદ આખુ જીવન તમને પેન્શન મળતું રહેશે. પોલિસી ધારકનું મૃત્યુ થવા પર તેમના નોમિનીને સિંગલ પ્રીમિયમની રકમ પરત કરી દેવામાં આવશે. સરળ પેન્શન યોજના એક ઈમીડિએટ એન્યુટી પ્લાન છે. એટલે કે પોલિસી લેવાની સાથે જ તમને પેન્શન મળવાનું શરૂ થઈ જાય છે. પોલિસૂ લીધા બાદ જેટલા પેન્શનથી શરૂઆત થશે. તેટલું જ પેન્શન આખુ જીવન મળશે.
સિંગલ લાઈફ
તેમાં પોલિસી કોઈ એકના નામ પર રહેશે. જ્યાં સુધી પેન્શનધારક જીવીત રહેશે તેમને પેન્શન મળતુ રહેશે. તેમના મોત બાદ બેઝ પ્રીમિયમની રકમ તેમના નોમિનીને પરત આપી દેવામાં આવશે.
જોઈન્ટ લાઈફ
આમાં બન્ને જીવનસાથીની કવરેજ આવે છે. જ્યાં સુધી પ્રાઈમરી પેન્શનધારક જીવીત છે તેમને પેન્શન મળતુ રહેશે. તેમના મોત બાદ તેમના જીવનસાથીને પણ જીવનભર પેન્શન મળતું રહેશે. તેમના મૃત્યુ બાદ બેસ પ્રીમિયમની રકમ તેમના નોમિનીને આપી દેવામાં આવશે.
કોણ લઈ શકે છે સરળ પેન્શન યોજના?
આ યોજનાનો લાભ લેવા માટે ઓછામાં ઓછી વય મર્યાદા 40 વર્ષની છે અને વધુમાં વધુ 80 વર્ષની છે. કારણ કે આ એક હોલ લાઈફ પોલિસી છે તો તેમાં પેન્શન આખુ જીવન મળી રહેશે. જ્યા સુધી પેન્શનધારક જીવીત છે. સરળ પેન્શન પોલિસીના શરૂ થવાની તારીખથી 6 મહિના બાદ ક્યારેય પણ પોલિસી સરેન્ડર કરી શકાય છે.